Физкультурнай хамсааһын 100 сылыгар куонкурус биллэрилиннэ

Саха өрөспүүбүлүкэтин спорка Министиэристибэтэ Саха сиригэр физкультурнай хамсааһын 100 сылыгар аналлаах логотип оҥоһуутугар куонкурус биллэрдэ.

Кункуруска кыттыахтарын баҕалаахтар сайаапкаҕытын ахсынньы 20 күнүгэр диэри өрөспүүбүлүкэ спорка министиэристибэтигэр ыытаҕыт. Сайаапкаҕа ааккытын-суолгутун, ханна үлэлииргитин, үөрэнэргитин, төлөпүөҥҥүтүн, электроннай почтаҕытын, оҥорон ыыппыт логототипкыт чуолкай ис хоһоонун толорон ыытаҕыт. Ылыллыбыт сайаапкалар ахсынньы 31 күнүгэр диэри куонкурус хамыыһыйатынан көрүллэллэр. Төһө баҕарар логотип бырайыагын ыытаргыт көҥүл.

Сыанабыл ирдэбиллэрэ: үлэ хаачыстыбата, Саха сиригэр физкультурнай хамсааһын 100 сылын уобараһа, ис хоһоонун өйдөнүмтүөтэ, идеята, уратыта, толоруллуутун композицията ирдэниллэллэр. Бастыҥ логотибы оҥорбут куонкурус кыайыылааҕын 20 тыһ.солк. харчынан бириэмийэ күүтэр.

Билсэр телефоннаргыт 507-522, 8914-286-8863.