ФГИС "Меркурий" туһалаах үлэтэ

Булгуччулаах электроннай бэтэринээринэй сертификацияны ыытар ФГИС «Меркурий» судаарыстыбаннай суолталаах үлэни оҥорор. Бу систиэмэ аска-үөлгэ куттал суох буолуутун хааччыйар. Судаарыстыбаннай бэтэринээринэй хонтуруолу ааһар бородууксуйанан эргинэргэ арыаллыыр докумуоннар оҥоһуллаллара булгуччулаах.

2020 бэс ыйын 6 күнүнээҕи туругунан, «Меркурий» систиэмэҕэ өрөспүүбүлүкэ үрдүнэн 40 584 кэриҥэ тыа хаһаайыстыбатын бородууксуйатын эргитэн таһаарар дьарыктанааччылар регистрацияны ааспыттар.

Саха Сирин үрдүнэн 2020 сылга 2 462 558 электронной бэтэринээринэй докумуон оноһуллубут, онтон «погашеннай” таһымҥа - 1 656 138, «оформленнай» таһымҥа - 770 971. Сиикэй үүккэ 164 685 сертификат оҥоһуллубут. 2019 сыл от ыйын 1 күнүттэн ыла, тыа хаhаайыстыбатын бородууксуйатыттан оҥоһуллубут бэлэм ас-үөл киириэҕиттэн ыла, 1 432 923 докумуон оҥоһуллубут.

СӨ Бырабыыталыстыбатын бэрэссэдээтэлин солбуйааччы Денис Белозеров ый аайы улуустар олохтоох бэйэни салайыы муниципальнай уорганнарын уонна судаарыстыбаннай былаас ситэриилээх уорганнарын кытта электроннай бэтэринээринэй сертификация үлэтин туругун туһунан мунньах ыытар. Сорох улуустар видеоконференция нөҥүө кытталлар.

Дьокуускай уокуругар Цербер систиэмэнэн уопсайа 6 507 тэрилтэ, урбаанньыт уонна биирдиилээн дьон судаарыстыбаннай бэтэринээринэй хонтуруол көрөр бородууксуйатын (эт, үүт, тыыннаах кыыллар уо.д.а.) эргиэнинэн дьарыктаналлар. 2020 сыл бэс ыйын 4 күнүнээҕи туругунан, ФГИС «Меркурийга» 815 498 бэтэринээринэй сертификат суруллубут.

Петр Андреев, Россельхознадзор Саха сиринээҕи салаатын государственнай инспектэрэ