16.03.2022 | 13:00

Евгений Григорьев инфраструктурнай эбийиэктэр өрөмүөннэрин уонна тутууларын бэрэбиэркэлээтэ

Евгений Григорьев инфраструктурнай эбийиэктэр өрөмүөннэрин уонна тутууларын бэрэбиэркэлээтэ
Ааптар: Киин Куорат
Бөлөххө киир

Куорат баһылыга Евгений Григорьев кулун тутар 15 күнүгэр Дьокуускай инфраструктуратын бөдөҥ эбийиэктэригэр ыытыллар үлэни – Ленин проспегын хапытаалынай өрөмүөнүн, 3 №-дээх канализация коллекторын тутуутун уонна Каландаришвили уулуссатыгар гаас ситимин былааннаммыт өрөмүөнүн бэрэбиэркэлээтэ. Бу туһунан Олохтоох дьаһалта пресс-сулууспата иһитиннэрдэ.
Ленин проспегын хапытаалынай өрөмүөнүгэр «Куттала суох, хаачыстыбалаах суоллар» национальнай бырайыак чэрчитинэн Курашов уулуссатыттан Орджоникидзе болуоссатыгар диэри геодезическай төрүтү (разбивочная основа) таһыы үлэтэ барар. Ол туһунан  «Главстрой» МХТ дириэктэрэ  Алексей Варламов иһитиннэрдэ. 
«Ленин проспегын Орджоникидзе болуоссатыттан Курашов уулуссатыгар диэри учаастакка хапытаалынай өрөмүөнүгэр икки тэрээһин киирэр. Ол курдук – 1 №-дээх канализация коллекторын өрөмүөнэ уонна уулусса хапытаалынай өрөмүөнэ. Ыам ыйыгар диэри бэдэрээтчит «Дорстрой» сир үлэтин барытын бүтэриэхтээх уонна тупсаран оҥорууну, итиэннэ аспааллааһыны саҕалыахтаах», - диэтэ Алексей Варламов.
Салгыы Евгений Григорьев Чернышевскай уулуссатыгар ыытылла турар 3 №-дээх канализация коллекторын тутуутун көрдө-иһиттэ. «Водоканал» АУо биригээдэтэ Залог оройуонун Красильников уулуссатыгар үлэлиир. «Водоканал» АУо генеральнай дириэктэрэ Анатолий Кырджагасов эппитинэн, үлэ график быһыытынан баран иһэр. 
Ити кэнниттэн куорат баһылыга Каландаришвили уулуссатыгар гаас ситимин былааннаммыт өрөмүөнүн бэрэбиэркэлээтэ. «Сахатранснефтегаз» АУо исписэлиистэрэ ыытылла турар үлэни кытта билиһиннэрдилэр. Билиҥҥи туругунан учаастакка 5 анал тиэхиньикэ уонна 9 киһилээх биригээдэ үлэлииллэр.
Былаан быһыытынан үлэ Белинскэй  уулуссатыттан Ойуунускай уулуссатыгар диэри кулун тутар 20 күнүгэр диэри, Ойуунускай уонна Каландаришвили уулуссаларын быһа охсуһууларыгар – кулун тутар 26 күнүгэр диэри, Каландаришвили уонна Белинскэй  уулуссаларын быһа охсуһууларыгар – кулун тутар 28 күнүгэр диэри, оттон Ойуунускай уулуссатыттан Лермонтов уулуссатыгар диэри учаастакка кулун тутар 25 күнүгэр диэри түмүктэниэхтээх. 
Каландаришвили уулуссатыгар гаас ситимэ 1973 сыллаахха тутуллубут, нуорма быһыытынан үлэлиир болдьоҕо ааспыт. Ол иһин суол ситимин өрөмүөнэ саҕаланыан иннинэ турбалары уларытар быһаарыы ылыныллыбыт.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...