Евгений Григорьев: «Дойду уонна өрөспүүбүлүкэ салалталара социальнай-экономическай сайдыы тэтимин оннунан хаалларар соругу туруордулар»

Куорат баһылыга Евгений Григорьев, социальнай-экономическай бигэ туругу уонна өрөспүүбүлүкэ нэһилиэнньэтин көмүскэлин хааччыйыыга анаммыт мунньах түмүгүнэн, Саха сирин Баһылыга Айсен Николаев ылыммыт быһаарыыларын толору өйүүрүн биллэрдэ. Бу туһунан Олохтоох дьаһалта пресс-сулууспата иһитиннэрдэ. 
Мунньахха регион баһылыга бары национальнай бырайыактар олоххо киириилэрин хааччыйар уонна санкция усулуобуйаларыгар экономическай сайдыы тэтимин оннунан хаалларар соругу туруорда. 
«Айсен Сергеевич ыйбыт бары миэрэлэрэ санкция ыар баттыгын кэмигэр бастакы уочарат нэһилиэнньэни, предпринимателлэри, дьоҕус уонна орто бизнеһи өйүүргэ туһуламмыттар. Итини сэргэ ити миэрэлэр өрөспүүбүлүкэ үрдүнэн ылыныллыбыт сайдыы тэтимин ыһыктыбат соруктаахтар. 
Уопсайынан ыллахха, бүгүн федеральнай бырабыыталыстыба, бэрэсидьиэммит Владимир Владимирович Путин бэйэтин Ыйааҕынан дойдубут сайдыытын өйүүр уонна күүһүрдэр миэрэлэри ылыннылар. Биһиги иннибитигэр үлэбит таһаарыытын үрдэтэр, Саха сирин уонна Дьокуускай куорат олохтоохторун тустарыгар түргэнник наадалаах быһаарыылары ылынар сорук турар», - диэн бэлиэтээтэ Евгений Григорьев.