23.12.2021 | 16:00

Евгений Григорьев COVID-19 утары миэрэлэри күүһүрдэргэ сорудахтаата

Евгений Григорьев COVID-19 утары миэрэлэри күүһүрдэргэ сорудахтаата
Ааптар: Киин Куорат
Бөлөххө киир

Куорат баһылыга Евгений Григорьев коронавирус инфекциятын тарҕаппат сыаллаах тэрээһиннэргэ туһуламмыт уокуруктааҕы Суһал штаб мунньаҕын ыыппыт. Бу туһунан Уокуруктааҕы дьаһалта пресс-сулууспата иһитиннэрдэ.
Дьокуускай Административнай хамыыһыйатын бэрэссэдээтэлэ Феликс Антонов иһитиннэрбитинэн, санитарнай миэрэлэри тутуһууну хонтуруоллуур 368 эриэйдэ ыытыллыбыт. Барыта 13 261 эргиэн, уопсастыбаннай аһылык кииннэрэ, саататар тэрилтэлэр уонна уопсастыбаннай тырааныспар бэрэбиэркэлэммит. Эриэйдэ кэмигэр 1 025 кэһии тахсыбыта булуллубут, 1972 сэрэтэр бэсиэдэ ыытыллыбыт. 
«СӨ КоАП 3.8 ыстатыйатынан 367 боротокуол толоруллубут,  итинтэн 314 суутунан көрүллүбүт. 30 предприниматель хас биирдиилэрэ 30-туу тыһ. солк. ыстарааптаннылар, 282 сэрэтии ыллылар, икки дьыала тохтотулунна», – диэбит  Феликс Антонов.
«СоюзАвто» кэмиэрсийэтэ суох тэрилтэ салайааччыта Андрей Косицкай информациятынан, салалта өттүттэн санитарнай миэрэлэри тутуһуу хонтуруолланар. 
«Итини таһынан оптуобустары Уокуруктааҕы дьаһалта исписэлиистэрэ, Роспотребнадзор, Административнай хамыыһыйа бэрэстэбиитэллэрэ бэрэбиэркэлииллэр. Ааспыт нэдиэлэҕэ 120 чааһынай оптуобус бэрэбиэркэлэннэ, итинтэн 20-тэ  мөлтөх туруктаах, сэрэтэр бэсиэдэлэри ыыттыбыт. 450 суоппартан 383 киһи COVID-19 утары быһыыны ыллылар», – диэбит Андрей Косицкай.
Үөрэҕирии Управлениетын иһитиннэриитинэн, киин куорат бары оскуолаларыгар сэрэтэр бэсиэдэлэр ыытыллыбыттар, оскуолалар саҥа дьыл бырааһынньыктарын көрсөргө бэлэмнэр. 20 тыһыынчаттан тахса үөрэнээччи грипптэн уонна коронавирус дьаҥыттан быһыылары ылбыттар. 
«Ахсынньы 8 күнүгэр Үөрэҕирии Управлениетын бирикээһэ тахсыбыта, онно олоҕуран муниципальнай оскуолаларга уонна уһуйааннарга бырааһынньыктар хааччахтааһын миэрэлэрин тутуһан ыытыллыахтара, ол эбэтэр кыра бөлөхтөрүнэн эбэтэр кылааһынан төрөппүттэрэ, аниматордара, хаартыскаҕа түһэрээччилэрэ уонна видеографтара суох. Итини сэргэ саҥа дьыллааҕы бырааһынньыктары кафеларга, рестораннарга, остолобуойдарга бэлиэтиир бобуллар», – диэн бэлиэтээбит Үөрэҕирии Управлениетын начаалынньыгын солбуйааччы Егор Охлопков. Сэтинньи уонна ахсыннььы ыйдарга бары муниципальнай оскуолаларга, уһуйааннарга санитарнай миэрэлэри тутуһууну бэрэбиэркэлээбиттэр. 
Мунньах кэмигэр уокуруктааҕы Суһал штаб оробуочай бөлөҕүн салайааччыта Владимир Гинеев иһитиннэрбитинэн, бу нэдиэлэҕэ «Абырал» санаторийы быстах болдьоххо «Омикрон» штаммынан ыалдьыбыт уонна хантаактаах, эбэтэр ити ыарыы баар регионнарыттан уонна дойдуларыттан кэлбит дьоҥҥо аналлаах обсерватор оҥорор туһунан СӨ Суһал штабын  дьаһала тахсыбыт.
Мунньах түмүгэр куорат баһылыга Евгений Григорьев элбэх дьон мустар сирдэригэр хааччахтааһын миэрэлэрин уонна санитарнай ирдэбиллэри тутуһуу хонтуруолун күүһүрдэргэ сорудахтаабыт.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...