26.09.2020 | 18:36

Элимиэн эридьиэстэрэ

Элимиэн эридьиэстэрэ
Ааптар: Киин Куорат
Бөлөххө киир

Пандемия кэмигэр арахсыы элбээбитин туһунан бастаан кытайдар аһаҕастык кэпсээбиттэрэ. Дьаҥ тарҕанан, урут наар үлэни өрө тутан бииргэ көрсөллөрө ахсааннаах дьон, эмискэ кыра дьиэ иһигэр хаайыллан олорон, бэйэ-бэйэлэрин кытта сатаспаттарын өйдөөбүттэр. Харантыын бүтэригэр саахсаларга арахсыан баҕалаахтар уочараттара субуруспуттар.

Оҕоҕо төлөнөр элимиэн

Арассыыйа бу сааскыттан саҕаламмыт бэйэ изоляциятын статистикатын ким да таһаара илик. Ол эрэн кэргэнниилэр арахсыылара урут да, билигин да баар суол.

Ыал арахсарыгар үксүн эр киһи тахсан барар, ийэ оҕолорун кытта бэйэтэ хаалар. Тоҕо эрэ, атырдьах маһыныы арахсыбыт дьон сокуонунан арахсарга ыксаабаттар. Аҕа оҕолоругар көмөлөспөт, ийэ оҕолоругар элимиэн төлөтөөрү, сокуонунан арахсарга ыксыыр.

 Ол эрэн сокуон этэринэн, сокуонунан арахсыбакка да сылдьан төрөппүттэн оҕотугар элимиэн аахсан ылыахха сөп. Арахсыы уонна элимиэн диэн тус-туһунан сылдьар өйдөбүллэр. Онон төрөппүт оҕотун ииппэт буолла да, элиэмиэн төлөттөрүөххэ сөп.

Ол туһугар бастаан ийэ мировой судьуйаҕа "заявление о выдаче судебного приказа о взыскании алиментов" диэн сайабылыанньа суруйар. Ол сайабылыанньаҕа кэргэнин кытта хаһааҥҥыттан бииргэ олорботун, оҕотун аҕата көмөлөспөтүн, сокуонунан арахса иликтэрин сиһилии быһааран суруйар.  Маны таһынан түмүгэр хайаан да “Прошу мне выдать приказ о взыскании алиментов” диэн көрдөһүүтүн киллэрэр.

Элимиэн дьыалаларын мировой судьуйа көрөр. Олоххо маннык дьыалалары үксүн  түргэнник көрөллөр. Олорор аадырыскытынан көрөн судьуйа ананар.

Билигин бэйэ изоляциятын кэмигэр сайабылыанньаны интэриниэтинэн онлайн, суругунан почтанан эбэтэр суукка турар дьааһыкка уган биэриэххэ сөп. Госпошлина төлөммөт. Суут дьыаланы көрөн “судебнай приказ” диэни таһаарар. Бу докумуону суут приставтарыгар эбэтэр элимиэн ирдэнэр төрөппүт үлэтигэр илдьиллиэхтээх. 

Элимиэн ситиһии өссө биир суола – нотариуска баран сөбүлэҥ түһэрсии. Төрөппүттэр эйэ-дэмнээхтик баран сөбүлэҥ түһэристэхтэринэ суут наадата суох буолар.

Дьиэҕэ элимиэн

Быйылгыттан “Дьиэҕэ элимиэн” диэн өйдөбүлү киллэрэр 10-ФЗ нүөмэрдээх саҥа сокуон олунньуттан үлэлээтэ. Ол аата, дьиэтэ суох, бэйэтин хааччынар кыаҕа суох дьоҥҥо (оҕолорго) олорор дьиэ ороскуотугар эбии элимиэни төлөтүөххэ сөп буолла.

Бу сокуон Дьиэ кэргэн кодексын 86-с ыстатыйатын 1-кы чааһыгар уларытыылары киллэрдэ. Оҕо бастайааннай олорор ­дьиэтэ-уота суох буоллаҕына, итини ураты балаһыанньанан ааҕан, дьиэ ороскуотугар эбии үбү-харчыны көрдүүргэ быраабы биэрэр. Бу иннинэ олорор дьиэҕэ ороскуот төлөнөр элимиэн сууматыгар киирэ сылдьар диэн этэ. Билигин дьиэ ороскуотугар эбии харчыны көрдүөхтэрин сөп. Холобур, арахсыбыт дьахтар дьиэ куортамнаһан эбэтэр ипотеканы төлөөн олорор буоллаҕына, оҕо үчүгэй усулуобуйаҕа олоруохтааҕын быһыытынан,  аҕаларыттан эбии элимиэни көрдүүллэр.

Бастайааннай олорор дьиэтэ суох буоларгын хайдах дакаастыахха сөбүй?

  • Куортамнаан олорор ­буоллаххытына — куортам дуогабара, төлөөбүккүт туһунан араспыыскалар, бас билэр дьиэтэ суоҕуҥ туһунан ЕГРН ыспыраапката, поликлиникаттан ыспыраапка, сибидиэтэл көрдөрүүтэ, о.д.а.
  • Ипотеканы төлүүр ­буоллахха – баан ыспыраапкалара, ипотека дуогабара, төлөбүр квитанциялара, Ийэ хапытаалын туһаныы туһунан ыспы­раапка, ЕГРН ыспыраапката, о.д.а.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...