Элбэх оҕолоох ыаллар сир учаастагын ылыахпытын баҕарабыт. Манна уочаракка турарга тустаах докумуоннары ирдииллэр, ол ханныктарый?

2011 сылтан Саха сиригэр элбэх оҕолоох  ыалларга босхо сир учаастага бэриллэр буолбута. 2018 сыллаахха  ыам ыйын 17 күнүттэн бу өҥө электроннай халыыбынан эрэ оҥоһуллар. Ону https://e-yakutia.ru судаарыстыбаннай уонна муниципальнай өҥө порталларыттан ылыахха сөп. Электроннай сайабылыанньаны биэрэргэ gosuslugi.ru порталыгар регистрацияланыахтааххыт уонна авторизацияны ааһаҕыт. Ол кэннэ  https://e-yakutia.ru/bs/timeline.htm?id=1543@egService#10292839 сайтка бигэргитиллибит сирэйгитинэн киирэн сайабылыанньа электроннай көрүҥүн толороҕут уонна ирдэнэр докумуоннар сканнарын угаҕыт:
 
Төрөппүт эбэтэр бэрэстэбиитэл пааспара;
Нотариальнай итэҕэл (бэрэстэбиитэл нөҥүө бэриллэр түгэнигэр);
Оҕолор төрөөбүттэрин туһунан сибидиэтэлистибэлэрэ;
14 саастаах оҕолоох буоллаххытына, кини пааспара;
Сокуонунан эр-ойох буоллаххытына, иккис төрөппүт пааспара;
Ыал буолбуккут  туһунан сибидиэтэлистибэ;
Оҕо иитэ ылбыт түгэҥҥитигэр суут быһаарыыта;
Олохтоох салайыныы уорганыттан олорор дьиэнэн хааччыйыы туһунан ыспыраапка. Дьиэ-уот учуокка туруутун туһунан ыспыраапка;
Күнүскү үөрэххэ үөрэнэр устудьуон оҕолоох буоллаххытына, үөрэнэр сириттэн ыспыраапка;
Дьиэ кэргэн састаабын ыспыраапката;
Олохтоох салайыныы уорганнарыттан дьиэҕэ эбэтэр сир учаастагар наадыйаргыт туһунан учуокка турбут туоһу докумуоҥҥут;
Дьокуускай куоракка куруук олорор чахчыгытын туоһулуур докумуон. 

Муниципальнай өҥөнү туһаныы судаарыстыбаннай төлөбүрэ суох оҥоһуллар.