Эконастаабынньыктар бырайыактара үлэтин саҕалаата

Бырайыакка кыттарга 18 саастарыттан саҕалаан ыччат политикатын, үөрэҕирии уонна иитии настаабынньыктарын, экотүмсүүлэр лидердэрин ыҥыраллар.

«Эконастаабынньыктар» бырайыак ыччат экобырайыактарын уонна көҕүлээһиннэрин көрөр-истэр настаабынньыктар ситимнэрин оҥорууга уонна сайыннарыыга туһуланар. Кыттааччылары регистрациялааһын 2023 сыл балаҕан ыйын 21 күнүгэр диэри ыытыллар.

Бырайыак кыттыылаахтара «Академия наставников» сколковскай платформаҕа онлайн-үөрэҕи ааһыахтара, сертификат, итиэннэ федеральнай экспертэр уонна тьютордар өйөбүллэрин ылыахтара. 200 бастыҥ эконастаабынньыктар очнай тэрээһиҥҥэ кыттыахтара, бэйэлэрин сырдатар экобородуукталарын оҥоруохтара уонна олоххо киллэриэхтэрэ.

Бырайыагы үөрэнэн бүтэрбиттэр, эконастаабынньык сертификатын ылан, «Движение первых» Бүтүн Арассыыйатааҕы ыччат хамсааһынын тэрээһиннэригэр кыттыахтарын сөп. Ол курдук, 2024 сылга «Экосистема» Бүтүн Арассыыйатааҕы ыччат форумугар спикер уонна эксперт быһыытынан кыттыахтара.

Бырайыакка кыттыы босхо. Сигэнэн киирэн сиһилии информацияны ылыахха уонна регистрацияланыахха сөп: https://econastavnik.eduregion.ru/.   

Тэрийээччилэр – «Росмолодёжь» Ыччат дьыалаларыгар федеральнай агентство, «Экосистема» Бүтүн Арассыыйатааҕы экологическэй хамсааһын, «Сколково» пуонда уонна «Каменный город» үөрэҕирии киинэ. Бырайыак «Движение первых» Бүтүн Арассыыйатааҕы ыччат хамсааһынын өйөбүлүнэн олоххо киирэр.