09.10.2021 | 19:00

Үөһээ Бүлүү боотура Богдан Прокопьев: «Сылаа баар буоллаҕына ситиһии кэлэр»

Үөһээ Бүлүү боотура Богдан Прокопьев:  «Сылаа баар буоллаҕына ситиһии кэлэр»
Ааптар: Айталина Софронова

Соторутааҕыта Швеция Хальмстад куоратыгар 23 саастарыгар диэри эдэрдэргэ аан дойдуга пауэрлифтиҥҥа  бастыыр иһин күрэхтэһии үрдүк тэрээһиннээхтик ыытылынна. Арассыыйа спордун маастара, пауэрлифтер, Үөһээ Бүлүү боотура Богдан Прокопьев  үс мэтээли, ол иһигэр биир үрүҥ көмүс, икки боруонсаны ылла. 
Билигин Богдан Москва куоракка баар. Төһө даҕаны бириэмэ кырыымчыгын иһин, “Киин куорат” хаһыат ааҕааччыларыгар ситиһиитин туһунан кэпсээтэ, санаатын үллэһиннэ.

– Богдан, дорообо! Ааҕааччыларбытыгар бэйэҥ тускунан кэпсии түс эрэ. 

– Дьоллоох Дьокуускай куораппыт хаһыатын ааҕааччылара, дорооболоруҥ! Мин Үөһээ Бүлүүттэн төрүттээхпин, онно оскуолабын бүтэрбитим. Аҕам Василий Васильевич Өргүөт нэһилиэгиттэн, ийэм Кырыкый нэһилиэгиттэн төрүттээхтэр. Билигин Үөһээ Бүлүү улуустааҕы лесничествотыгар ситиһиилээхтик үлэлии-хамсыы сылдьабын, сааһым – 22. 

– Спордунан хаһааҥҥыттан дьарыктанаҕын? Тренериҥ кимий?

– Спорка сэттис кылаастан сыстан барбытым. Тохсус кылаас кэнниттэн Дьокуускай куоракка үөрэххэ киирэн, “Модун” спорт саалатыгар дьарыктанабын. Мас тардыһыытыгар Николай Элляевич Константинов эрчийбитэ. 2015-2016 сылтан бэйэм кыралаан пауэрлифтинынан дьарыктанан саҕалаабытым. 2018 сыллаахха бастакыбын «Первенство России” кыттан, Арассыыйаҕа маастар нуорматын толорбутум.  2019 сыллаахха эмиэ бу күрэххэ кыттан, иккис миэстэ буолан, Европаҕа барар чиэскэ тиксибитим.  Антон Викторович Солодов дьарыктаан, Европаҕа бастакы миэстэ буолбутум. Ааспыт сылга Арассыыйаҕа бастаабытым, «Кубок России» улахан дьоҥҥо иккис миэстэни ылбытым. Быйылгы күрэххэ кыттан, аан дойдуга үһүс миэстэни ыллым. 

– Бу аҕыйах хонуктааҕыта Швецияҕа буолбут күрэхтэһиигэ ситиһииҥ туһунан кэпсии түһэриҥ буоллар.

– Айаным үксэ суолга барда диэххэ, Москва куораттан поеһынан айаннаан тиийбитим.  Үстүү күн буола-буола коронавируска анаалыс туттарбыппыт, бу өттүгэр хонтуруол, бэрээдэк күүстээх эбит.  Тиийээппин кытта, ыйааһыным түһэн хаалбыта, инньэ гынан бэйэм көрдөрүүбэр соччо-бачча тиийбэтим. Становой анньыыга 332.5 киилэни анньан көрдүм да, тарбахтарым ситэ туппаккалар, иккис миэстэни ыллым. Италия, Грузия утарсааччыларын кытта тэҥҥэ кииристим. 

– Эйигин чемпионакка барыан иннинэ анаан-минээн сбордаммыт диэбиттэрэ.

– Оннук! Сбор баар буоллаҕына, ситиһии кэлэр. Архангельскай куоракка тренербэр  Антон Солодовка биир ый дьарыктаммытым.  

–Пауэрлифтинг  спорт  хас да салаатын хабар дииллэр, оннук дуо?

– Пауэрлифтинг үс көрүҥтэн турар: базовай спорт көрүҥэ, мас тардыһыы уонна  ыарахан атлетика. Бастакы көрүҥүнэн дьарыктанар киһи бу үс көрүҥү барытын оҥорор. Биллэн турар, сылаалаах. Ол эрээри, сылаа баар буоллаҕына ситиһии кэлэр, таһым үрдүүр. 

– "Химията" суох хачайдамматтарын туһунан элбэх санааны истибитим. Итиннэ тугу этиэҥ этэй? 

– Химияны кытта булкуйар сыыһа буолуо, билигин аспыт барыта химияттан турар. 

– Стимулятордаргыт эмиэ химия буоллахтара... Манна сыһыаныҥ хайдаҕый?

– Допинг хонтуруол туттарар буолан, тугу аһыыргын бэрэбиэркэлии-бэрэбиэркэлии сиэххин наада. Чуолаан, иһиэхтээх БАД-кын спортивнай аһылык өттүнэн, антидопинг диэн бырагырааманан киирэн көрөҕүн. Спортивнай аһылык көмөтө диэн кыра бырыһыан баар буолар, «спортпит” истиҥ эрэ былчыҥнана түһэҕин эбэтэр ыраҕын диэн буолбатах. Спортивнай аһылык, бастатан туран, бэйэҥ күннээҕи аскыттан тутулуктаах.

– Инникитин ханнык соруктары, рекордары туруораҕын? 

– Юниордарга бүтэһик сылым, улахан дьоҥҥо көстөн иһиэ.

– Спортан тэйэн, дьиэ кэргэниҥ туһунан кэпсэтиэх эрэ.

– Кэргэннээхпин, икки оҕолоохпут. Уолаттарбын олоххо бэлэмнээх, чөл олоҕу тутуһар уонна спорду өрө тутар дьон буола улааталларын курдук иитэбин. 

– Олоххо тутуһар санааҥ?

– Туруоруллубут сыалы ситиһии! 

– Богдан, кэпсээниҥ иһин махтанабын! Инникитин да элбэх ситиһинии, кыайыыны-хотууну, таһаарыылаах үлэни-хамнаһы баҕарабын. 

Сонуннар

Ордук ааҕаллар

Саха АССР 100 сылыгар – 100 оптуобус
Сонуннар | 11.10.2021 | 16:30
Саха АССР 100 сылыгар – 100 оптуобус
Саха АССР төрүттэммитэ 100 сылын көрсө өрөспүүбүлүкэ Дьокуускай куоракка уонна  оройуоннарга уопсастыбаннай тырааныспары саҥардара былааннанар. Бырайыак оробуочай аата – «Саха АССР 100 сылын көрсө 100 оптуобус».  «Кэлэр нэдиэлэҕэ тырааныспар Министиэристибэтин уонна Дьокуускай куорат Уокуруктааҕы дьаһалтатын бииргэ үлэлээһиннэрин түмүгэ тахсан, өрөспүүбүлүкэ газомоторнай оттукка сылдьар оптуобустары аҕалар туһунан сөбүлэҥҥэ илии баттыаҕа», –...
Соһуччу булт
Сынньалаңңа | 11.10.2021 | 16:00
Соһуччу булт
Оҕо сылдьан сарсыарда уһуктаат, таһырдьа ойон тахсар дьикти идэлээх этим. Хайдах халлаан буолбутун билэ охсоору дуу, күнү көрө охсоору дуу буолуо, арааһа. Оннук биир күннээх сайыҥҥы сарсыарда эрдэ туран сыһыыга киирэн, күрүө үрдүгэр хатаастан, куолубунан сыһыы уҥуорун, халлааҥҥа дьирибинии турар күөрэгэйи, сыһыыга мэччийэр ынахтары-сылгылары көрө-истэ олордум. Арай ынахтар ортолоругар дьиибэ...
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Сонуннар | 13.10.2021 | 10:00
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Алтынньы 4 күнүттэн Саха сирин территориятыгар Бүтүн Арассыыйатааҕы нэһилиэнньэ биэрэпиһин контролердарын үөрэтии ыытыллар. Муниципальнай оройуоннар контролердарыгар үөрэтии онлайн эрэсииминэн, «Дьокуускай куорат» уонна «Жатай» куораттааҕы уокуруктарыгар – очнай көрүҥүнэн диэн иһитиннэрэр СӨ Федеральнай судаарыстыбаннай статистика сулууспатын Территориальнай уоргана.  Нэдиэлэ саҥатыттан контролердар Дьокуускай куорат таһынааҕы нэһилиэнньэлээх пууннарга, куорат уокуруктарыгар уонна  «Жатай» куораттааҕы...
Хаппыыстаны араастаан астыахха
Тускар туһан | 11.10.2021 | 13:00
Хаппыыстаны араастаан астыахха
Беконнаах хаппыыста Састааба: 1 орто хаппыыста; 3 ост. нь. мас арыыта (эбэтэр оливковай арыы); туус; хара биэрэс; бекон. Хаппыыста тас сэбирдэхтэрин ылабыт, сууйабыт. Түөрт аҥыы хайытан бысталыыбыт. Кытаанах төрдүн быһан ылан быраҕабыт. Хас биирдии чааһын аҥаардыыбыт уонна духуопка илииһигэр сааһылаан уурабыт. Үрдүгэр арыыны таммалатабыт, туустуубут-тумалыыбыт. Бекон ломтиктарын аҥаардыыбыт уонна хаппыыстабыт...