Дьокуускайга бөҕү сүөкүүр уонна таҥастыыр полигону тутуу салҕанар
![Дьокуускайга бөҕү сүөкүүр уонна таҥастыыр полигону тутуу салҕанар](https://kiinkuorat.ru/wp-content/uploads/2023/08/oub0C27Nmm.jpg)
Бүлүүлүүр суол 27-с км «Экология» национальнай бырайыак иитинэн бөҕү наардыыр кыахтаах саҥа полигон тутулла турар.
Ыстаансыйа сылга 150 тыһыынча туонна ТКО ылар, ол эбэтэр Дьокуускай куорат уонна Жатай бөһүөлэгин барытын хааччыйар кыамталаах. Ону 100% наардыыр кыахха таҕыстаҕына, полигоҥҥа быраҕыллар бөх иэнэ лаппа аҕыйыахтаах.
Бүггүҥҥү күҥҥэ манна сир үлэтэ түмүктэнэн, производственнай куорпус сыбаайалара туруорулла сылдьаллар. Тутуу балаһааккатыгар 8-10 тиэхиньикэ, ол иһигэр 2 буур үлэлии тураллар, диэн иһитиннэрэр СӨ ОДьКХ министиэристибэтин пресс-сулууспата.
Санатар буоллахха, полигон икки түһүмэҕинэн тутуллар. Бастаан инфраструктурата уонна биэстэн икки бастакы учаастак оҥоһуллар. Иккис түһүмэҕэ 2024-2028 сылларга олоххо киириэхтээх. Тутуу уопсай сыаната 3,7 млрд солк. тэҥнэһэр, бастакы уочарат сыаната – 2,4 млрд солк.
Маны сэргэ Бүлүүлүүр суол 8 км бөҕү наардыыр ыстаансыйа тутуллар.
Бу икки баараҕай бырайыак өрөспүүбүлүкэҕэ бөҕү таҥастыыр промышленнас сайдыытыгар тирэх буолуохтаахтар.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)