Дьокуускайга 15 га иэннээх ойуур баһаара уодьуганнанна

Ааспыт бээтинсэҕэ Дьокуускай куорат таһыгар Шестаковка диэн сиргэ баһаар бара турарын туһунан суһал иһитиннэрии киирбитэ. Олохтоох дьаһалта гражданскай оборонаҕа уонна ыксаллаах быһыыга-майгыга управлениета баһаар атырдьах ыйын 10 күнүгэр сарсыарда 8 чааска уодьуганнаммытын туһунан биллэрэр.

Баһаары утары «Авиалесоохрана» тэрилтэ 38 баһаарынайа үлэлээтэ. 15 гектар сир уокка былдьанна. Бу туһунан тустаах управление салайааччытын бастакы солбуйааччы Юрий Шевчук Дьокуускай баһылыгын нэдиэлэтээҕи мунньаҕар иһитиннэрдэ. Билигин Дьокуускай тулатыгар баһаар суох.

Киин куорат олохтоох дьаһалтатын дьаһалынан Дьокуускайга баһаары утары ураты эрэсиим атырдьах ыйын 5 күнүттэн балаҕан ыйын 4 күнүгэр диэри уһаата. Бу кэмҥэ ойуур хаһаайыстыбатын тырааныспара, ону таһынан баһаары сэрэтэр тэрээһиннэри ыытар үлэһиттэр эрэ тыаҕа сылдьаллара көҥүллэнэр. Ойуур үлэһиттэриттэн ураты нэһилиэнньэ тыаҕа сылдьара хааччахтанар. Салайар хампаанньалар уонна дьиэни бас билээччилэр табаарыстыбалара бөҕү ыраастыыр, оту охсор үлэлэрин күүһүрдэллэр.   

Баһаар эбэтэр уот күөдьүйэн тахсыбытын көрдөххүтүнэ, «101» или «112» төл. суһаллык биллэриҥ.