22.03.2024 | 12:00

Можайскай уулуссатын өрөмүөҥҥэ бэлэмнээн эрэллэр

Можайскай уулуссатын өрөмүөҥҥэ бэлэмнээн эрэллэр
Ааптар: Киин Куорат
Бөлөххө киир

Можайскай уулуссатын Пилоттар уулуссаларыттан Строд уулуссатыгар диэри кэрчигин өрөмүөнэ 2023 сылтан «Куттала суох уонна хаачыстыбалаах суоллар» нацбырайыагынан ыытыллар. Хапытаалынай өрөмүөн түмүктэрэ болдьоҕо – 2024 сыл алтынньы 31 күнэ, тутуу сакаасчыта – «Главстрой» МХТ, бэдэрээтчит – «Дороги Саха» САО, бырайыактааччы – «ЦАН» ХЭТ.
Можайскай уулуссатын хапытаалынай өрөмүөнэ – «Куттала суох уонна хаачыстыбалаах суоллар» нацбырайыак Дьокуускай куоракка олоххо киирэр биир баараҕай эбийиэгэ. Ол курдук, 2 км тахса усталаах сиргэ уулуссаны түөрт балаһаҕа диэри кэҥэтэр сыалтан баар инженернэй ситимнэр бары көһөрүллүөхтээхтэр, суол икки өттүнэн уу сүүрэр халдьалара туруоруллуохтаахтар. Маны сэргэ носуос ыстаансыйата, Можайскай – Маҕанныыр тракт быһа охсуһууларыгар эргиир, өрөмүөннэнэр кэрчик устатын тухары аспаал, тротуар ууруллуохтаахтар о.д.а. үлэ ыытыллыахтаах. 
«Главстрой» МХТ иһитиннэрэринэн, «Куттала суох уонна хаачыстыбалаах суоллар» нацбырайыак быйылгы эбийиэктэригэр үлэ быһа холоон муус устар – ыам ыйдарыттан саҕаланар, диэн иһитиннэрэр Олохтоох дьаһалта пресс-сулууспата.
Эрдэ суруйбуппут курдук, 2024 сылга Дьокуускайга уопсайа 32 км кэриҥэ усталаах 19 эбийиэккэ суол тутуута, өрөмүөнэ ыытыллаары турар. Бүгүҥҥү күҥҥэ былааннаах 19 эбийиэктэн 17-гар хантараак түһэрсиллэн турар. 
Хаалбыт икки эбийиэккэ муниципальнай хантараактары түһэрсии муус устар 1 күнүнэн түмүктэнэрэ былааннанар. Ол курдук, Пригороднай бөһүөлэгин Заречная, Новая, Тепличный переулок хапытаалынай өрөмүөннэригэр (1,152 км) хантараагы түһэрсии кулун тутар 15 күнүгэр былааннанар, Мархаҕа Мелиоратордар уулуссаларыгар 1,515 км усталаах сир хапытаалынай өрөмүөнүн хантараага –  муус устар 1 күнүгэр.
Киин куоракка быйыл ханнык уулуссаларга өрөмүөн ыытылларын сиһилии: https://kiinkuorat.ru/articles/byyyl-tutullar-suollar-hantaraaktaryn-t-ersii-91-8-tuolbut
"Главстрой" МХТ хаартыската

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....