12.03.2024 | 18:11

Быйыл тутуллар суоллар хантараактарын түһэрсии 91,8% туолбут

Быйыл тутуллар суоллар хантараактарын түһэрсии 91,8% туолбут
Ааптар: Киин Куорат
Бөлөххө киир

Эрдэ суруйбуппут курдук, 2024 сылга Дьокуускайга уопсайа 32 км кэриҥэ усталаах 19 эбийиэккэ суол тутуута, өрөмүөнэ ыытыллаары турар. Бүгүҥҥү күҥҥэ былааннаах 19 эбийиэктэн 17-гар хантараак түһэрсилиннэ. 

Ол курдук, «Главстрой» МХТ иһитиннэрэринэн, 17 эбийиэк уопсайа 28,766 км усталаах суолу хабар, ол эбэтэр хантараактары түһэрсии 91,8% туолбут:

– Винокуров уулуссатын Ильменскэйтэн Чайковскай уулуссатыгар диэри кэрчигин уларытан оҥоруу, суол устата –  1,014 км;
– Бүлүүлүүр суол Лермонтов уулуссатыттан Объездной шоссеҕа диэри учаастагын хапытаалынай өрөмүөнэ – 1,415 км;
– Можайскай уулуссатын Пилоттар уулуссаларыттан Строд уулуссатыгар диэри кэрчигин саҥардан тутуу – 2,190 км;
– Иван Крафт уулуссатын Кульбертинов уулуссатыттан Эргэ Покровскайдыыр суолга диэри кэрчигин хапытаалынай өрөмүөнэ – 2,900 км;
– Птицефабрика оройуонугар элбэх оҕолоохтор кыбаарталларыгар киирэр Хомустаах уулуссатын өрөмүөнэ – 3,150 км;
– Кангалаас бөһүөлэгин Ольховая уулуссатын хапытаалынай өрөмүөнэ – 1,314 км;
– Можайскай уулуссатын Севастопольскайтан Өктөөп 50 сыла автострадаҕа диэри кэрчигин хапытаалынай өрөмүөнэ – 0,837 км;
– Речниктар уулуссаларын Бабушкин уулуссатыттан Рихард Зорге уулуссатыгар диэри учаастагын хапытаалынай өрөмүөнэ – 0,480 км;
– Сэргэлээх шоссетын 5 км турар «Берегиня» оҕо дьиэтигэр киирэр суол хапытаалынай өрөмүөнэ – 0,493 км;
– Бестужев-Марлинскай уулуссатын Богдан Чижик уулуссатыттан Кальвица уулуссатыгар диэри кэрчигин хапытаалынай өрөмүөнэ – 0,840 км;
– Кузьмин уулуссатыгар икки учаастак хапытаалынай өрөмүөнэ – 0,470 км;
– «Севернай» кыбаартал суолларын хапытаалынай өрөмүөнүн иккис уочарата – 8,000 км;
– «Тускул» дьоҕус оройуон Сайдыы уулуссатын хапытаалынай өрөмүөнэ – 2,000 км;
– Макаренко уулуссатын хапытаалынай өрөмүөнэ – 0,380 км;
– Генерал Притузов уулуссатын хапытаалынай өрөмүөнэ – 1,155 км;
– Автомобилистар уулуссаларын Михаил Николаев проспегыттан Сэргэлээх күөлүгэр диэри учаастагын өрөмүөнэ – 1,350 км;
– Рыдзинскай уулуссатын Жорницкайтан Халтурин уулуссатыгар  диэри кэрчигин хапытаалынай өрөмүөнэ – 0,528 км.
Хаалбыт икки эбийиэккэ муниципальнай хантараактары түһэрсии муус устар 1 күнүнэн түмүктэнэрэ былааннанар. Ол курдук, Пригороднай бөһүөлэгин Заречная, Новая, Тепличный переулок хапытаалынай өрөмүөннэригэр (1,152 км) хантараагы түһэрсии кулун тутар 15 күнүгэр былааннанар, Мархаҕа Мелиоратордар уулуссаларыгар 1,515 км усталаах сир хапытаалынай өрөмүөнүн хантараага –  муус устар 1 күнүгэр.
Маны сэргэ быйыл бөх сүөкүүр ыстаансыйаҕа, Онкология диспансерыгар киирэр суоллары, Набережная уулусса бастакы уочаратын, «Звезднай» түөлбэ уулуссатын бастакы уочаратын түмүктүүр былаан баар. 
Дьокуускай куораттааҕы уулусса-суол ситимэ «Куттала суох уонна хаачыстыбалаах суоллар» национальнай бырайыагынан 2019 сылтан оҥоһуллар. Биэс сыл иһигэр 164 км усталаах суох ирдэбилгэ эппиэттиир турукка тиэрдилиннэ. Быйыл, 2024 сыл бүтүүтэ, куорат суолун 80% тупсара күүтүллэр.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Тустууга уларыйыылары күүтэллэр
Дьон | 30.03.2024 | 12:00
Тустууга уларыйыылары күүтэллэр
Хаһыаппыт бүгүҥҥү ыалдьыта – ССРС көҥүл тустууга аан дойду кылаастаах бүтэһик спорт маастара, Улуу Коркин сүмэлээх сүбэтин истибит, Таилиҥҥа тиийэ тренердээбит Михаил Протопопов. Михаил  Егорович «Киин куорат» хаһыат ааҕааччыларын кытта уһуйуллубут тренердэрин, көбүөргэ умнуллубат киирсиилэрин туһунан, тустууну сайыннарыыга тус көрүүлэрин үллэстэр.   – Михаил Егорович, үтүө күнүнэн! ССРС саҕана тыа сирин...
«Эн эмиҥ аттыгар үүнэр...»
Дьон | 30.03.2024 | 10:00
«Эн эмиҥ аттыгар үүнэр...»
Светлана Ивановна Попова – Нам улууһун Хатырык нэһилиэгин олохтооҕо, түөрт оҕо иһирэх ийэтэ, элбэх сиэн эйэҕэс эбэтэ. Кини Максим Аммосов төрөппүт кыыһа Лена Аммосованы, эдьиийэ Наталья Кировна кыыһа Мария Охлопкованы кытта өр сыллаах истиҥ сыһыаннарын сэһэргээтэ. 80-гар чугаһаабыт ытык кырдьаҕастан Саха сирин эмтээх үүнээйилэрин хомуйар ураты дьарыгын эмиэ туоһуластыбыт, ааҕааччыларбытыгар...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...