Дьиэ кэргэн туһунан сурук күрэҕэр Арассыыйа үөрэнээччилэрэ бары кыттыахтарын сөп

«Сурукка бастыҥ уруок – 2024» оскуола үөрэнээччилэрин уонна устудьуоннар ортолоругар ыытыллар күрэх Арассыыйаҕа буола турар Дьиэ кэргэн сылыгар сыһыаннаах номинациялара ураты миэстэни ылаллар. 
Күрэх Ийэ дойдуга, доҕордоһууга, дьиэ кэргэн сыаннастарын харыстааһыҥҥа, ону сэргэ Александр Пушкин төрөөбүтэ 225 сылыгар аналлаах о.д.а. уопсайа аҕыс номинациялаах. 
Нуучча тылыгар харыстабыллаах сыһыаҥҥа иитэр, сурук жанрын сөргүтэр «Сурукка бастыҥ уруок» күрэҕи сыллата Арассыыйа почтата, Ломоносов аатынан Москватааҕы судаарыстыбаннай университет, Арассыыйа почтата ыытыллар. 
Атырдьах ыйын 15 күнүгэр диэри «На конкурс «Лучший урок письма» бэлиэлээх илиинэн суруллан эбэтэр бэчээттэнэн кэмбиэргэ угуллубут үлэлэри: 125252, Москва, 3-с Песчаная ул., 2А, электроннай ньыманан konkurs@russianpost.ru. аадырыска күүтэллэр. Оттон кыайыылаахтар ааттара алтынньы 9 күнүгэр Почта аан дойдутааҕы күнүгэр биллиэҕэ. Күрэх балаһыанньатын сиһилии бу сигэнэн билсиэххэ сөп.