Дезинфекция дьаһалта хонтуруолугар

Дьокуускай куорат коммунальнай сулууспата профилактика чэрчитинэн ыытыллар дезинфекция, ыраастааһын туһунан күн аайы отчуоттуур. Санатан аастахха, маннык үлэ дьон-сэргэ тоҕуоруһар сирдэригэр, элбэх кыбартыыралаах дьиэлэргэ кулун тутар 17 күнүттэн ыытыллар.

Уопсайа 2424 элбэх кыбартыыралаах дьиэ хабыллар. 1448 дьиэҕэ ыраастааһын үлэтэ бүппүт. Марха, Маҕан, Пригороднай, Хатас бөһүөлэктэригэр былаан туолла. Маныаха Дьокуускай куорат Киин, Губинскай, Октябрьскай уокуруктара бастыҥ көрдөрүүлээхтэр. 

485 элбэх кыбартыыралаах дьиэҕэ сууйуу-сотуу үлэтэ ыытылынна. Уопсай былаан 100 % туолла. Роспотребнадзор дьиэлэр подъезтарыгар дезинфекцияны күҥҥэ иккитэ, хлордаах анал сириэстибэлэринэн нэдиэлэҕэ иккитэ сууйар ордук диэн сүбэлиир.

Куорат дьаһалтата профилактическай миэрэни тутуһууну кыраҕытык көрөр, хонтуруоллуур. Өскөтүн эһиги салайар хампаанньаҕыт эбэтэр ТСЖ элбэх кыбартыыралаах дьиэҕэ дезинфекция үлэтин ыыппат буоллаҕына, Биир кэлим дьуһуурунай-диспетчерскэй сулууспаҕа эрийиэххитин сөп. Төлөпүөннэрэ: (4112) 44-42-29, 44-42-51. Ону таһынан СӨ судаарыстыбаннай тутууга уонна олоҕу-дьаһаҕы кэтээн көрүүгэ сулууспатын Управлениетыгар эрийиэххитин сөп:  (4112) 34-50-53, 34-26-44, тел./факс (4112) 34-22-49, эл. адрес: ugszhn@sakha.gov.ru. Киирбит сайаапкалар тустаах управаларга бэрэбиэркэҕэ тиэрдиллиэхтэрэ.