Дьарыктаах буолуу сулууспата байыастары уонна дьиэ кэргэттэрин үлэнэн хааччыйар

«Бүгүҥҥү күҥҥэ 29 байыаннай дьайыы кыттыылааҕа уонна 104 дьиэ кэргэттэрин чилиэннэрэ үлэнэн хааччылыннылар, ол иһигэр 2 киһи атын сиргэ үлэлии барарыгар харчынан көмөнү ылла. Гражданнар «Теплоэнергия», «АЛРОСА», «Анаабыр алмаастара», «Янолово», СӨ ОДьКХ уонна доруобуйа, үөрэҕирии уонна култуура тэрилтэлэригэр үлэҕэ киирдилэр. Итини таһынан, байыаннай эпэрээссийэ 34 кыттыылааҕа идэтийии кууруһун ааһаллар, ол курдук погрузчик суоппарын, бульдозер уонна экскаватор машиниһын, слесарь, «С», «Д», «Е» категориялаах суоппар идэтигэр үөрэнэллэр», – диэн иһитиннэрдэ Георгий Борисов.

Байыаннай сулууспалаахтар дьиэ кэргэттэрин чилиэннэрэ харабыл, медицинскэй сиэстэрэ, документовед, косметолог, программист, бухгалтер, менеджер уо.д.а. идэлэри таллылар. Итини сэргэ, 4 байыаннай дьайыы кыттыылааҕа уонна 19 дьиэ кэргэттэрин чилиэннэрэ бэйэ дьыалатын аһарга харчынан көмөнү ыллылар.

СӨ Нэһилиэнньэ дьарыктаах буолуутун сулууспатын уорганнара байыаннай сулууспалаахтары уонна дьиэ кэргэттэрин эбии үөрэхтээһиҥҥэ анал бырагырааманы олоххо киллэриигэ үлэлэһэллэр.