Дьаһалтаҕа уларыйыы таҕыста

Дьокуускай куорат баһылыгын дьаһалынан уонна куорат Дууматын быһаарыытынан куорат тутуутун Департамена уруккута Дьокуускай куорат суолларын Управлениетын кытта холбосто. Итиэннэ аата куорат тутуутун уонна тырааныспарын Департамена диэн уларыйда. Бу туһунан олохтоох дьаһалта пресс-сулууспата иһитиннэрэр.

Хааччахтааһын кэмигэр нэһилиэнньэни кытта үлэ сорох көрүҥэ СӨ судаарыстыбаннай уонна муниципальнай өҥөлөрүн порталын нөҥүө оҥоһуллар. Сайабылыанньалары электроннай көрүҥүнэн туталлар.

Өҥөнү оҥоруу бэрээдэгин туһунан иһитиннэриини уонна докумуоннар халыыптарын  www.якутск.рф сайтан булуоххутун сөп.  «Горожанам» рубрикаҕа киирэҕит,  «Муниципальные услуги» диэн салааны булаҕыт, салгыы «Градостроительство и архитектура» диэн түһүмэҕи арыйаҕыт. Сорох докумуон халыыптара Октябрьскай уул., 20/1, Олохтоох дьаһалта дьиэтигэр 1-кы этээскэ ыйанан турар.

Департамент төлөпүөннэрэ: 42-96-98, 42-90-91.