09.03.2022 | 14:00

Бырабыыталыстыба уонна Олохтоох дьаһалта киин куорат сайдыытын дьүүллэстилэр

Бырабыыталыстыба уонна Олохтоох дьаһалта киин куорат сайдыытын дьүүллэстилэр
Ааптар: Киин Куорат
Бөлөххө киир

Саха Өрөспүүбүлүкэтин Баһылыга «Саха Өрөспүүбүлүкэтин киин куората – Дьокуускай куорат 2032 сылга диэри сайдыытын туһунан» Ыйааҕа олоххо киириитин чэрчитинэн, куорат уокуругун социальнай-экономическай сайдыытын былаанын регионнааҕы миниистирдэр кэбиниэттэрин уонна Олохтоох дьаһалта мунньаҕар дьүүллэстилэр. Мунньаҕы СӨ Бырабыыталыстыбатын Бэрэссэдээтэлэ  Андрей Тарасенко салайан ыытта. Бу туһунан Олохтоох дьаһалта пресс-сулууспата иһитиннэрдэ.
Мунньах бэбиэскэтигэр «Куттала суох, хаачыстыбалаах суоллар» национальнай бырайыак олоххо киириитин, биэрэги бөҕөргөтүүгэ миэрэлэр, гаастааһын, гражданнары хаарбах туруктаах дьиэлэртэн көһөрүү, тулаайах оҕолору олорор дьиэнэн хааччыйыы, тиэргэннэри уонна уопсастыбаннай туоналары тупсаран оҥоруу, халаан уонна ардах уутун ыытыы систиэмэлэрин таҥыы, көҕөрдүү туһунан уо.д.а. 19 боппуруос киирдилэр.
«Куттала суох, хаачыстыбалаах суоллар» национальнай бырайыак олоххо киириитин дьүүллэһиигэ куорат баһылыга Евгений Григорьев бэлиэтээбитинэн, Өрөспүүбүлүкэ Бырабыыталыстыбатын, СӨ тырааныспарга уонна суол хаһаайыстыбатыгар Министиэристибэтин кытта бииргэ үлэлээһин түмүгүнэн, судаарыстыбаннай уонна муниципальнай бүддьүөттэн 481,5 мөлүйүөн солкуобай эбии көрүлүннэ.
«2022 сылга саҕалыыр уонна 2023 түмүктүүр индикаторнай эбийиэктэри контрактациялыырга эбии  296 мөлүйүөнтэн тахса суума наада. 2023 сылга бырайыактыыр-сметалыыр докумуону оҥорооһун үбүлээһинигэр 129 мөлүйүөн солкуобай ирдэнэр», – диэн бэлиэтээтэ куорат баһылыга.
Мунньах кыттыылаахтара баар соруктары билиҥҥи буола турар кэмҥэ, матырыйаал сыаната үрдээбитин учуоттаан быһаарыыны ылынары дьүүллэстилэр. 
Бырабыыталыстыбаны кытта мунньахха гражданнары хаарбах туруктаах дьиэлэртэн көһөрүүгэ уонна тулаайах оҕолору олорор дьиэнэн хааччыйыыга болҕомто уурулунна.  Куорат баһылыга Евгений Григорьев 2021 сыл тохсунньу 1 күнүн кэнниттэн хаарбах туруктааҕынан билиниллибит 220 элбэх кыбартыыралаах дьиэттэн гражданнары өрөспүүбүлүкэ бүддьүөтүн суотугар көһөрүөххэ диэн этии киллэрдэ. Ити сыалга 8 сыл устата 1,18 млрд солкуобай көрүллүөхтээх.
Санатан эттэххэ, билиҥҥи кэмҥэ РФ Бырабыыталыстыбата көһөрүү бырагырааматын кэҥэтэргэ үлэни ыытар, ол курдук, итиннэ Дьокуускайга баар 2017 сыл тохсунньу 1 күнүттэр 2021 сыл тохсунньу 1 күнүгэр диэри хаарбах туруктааҕынан билиниллибит 615 дьиэ киириэн сөп.
Евгений Григорьев СӨ Бырабыыталыстыбатын Бэрэссэдээтэлэ  Андрей Тарасенкоҕа уонна миниистирдэргэ туһаайан киин куорат кыһалҕаларын дьүүллэһэргэ маннык кыах биэрэллэрин иһин махталын тириэртэ. 
«Өрөспүүбүлүкэ салалтатын өттүттэн улахан өйөбүл баарын билэбит уонна бииргэ таһаарыылаахтык үлэлииргэ бигэ эрэллээхпит», – диэн бэлиэтээтэ Евгений Григорьев.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....
НВК Саха бырагыраамата от ыйын 8-14 күннэригэр
Сонуннар | 07.07.2024 | 10:00
НВК Саха бырагыраамата от ыйын 8-14 күннэригэр
Понедельник, 8 июля 6:00 Тиэргэн 6+ 6:30 Мы вам покажем 12+ 7:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 Айтал уонна аптаах куус 0+ 11:45 О5о саас ыллыыр 6+ 12:00 "Якутия" информационная программа 12+ 12:15 Сайдыс 6+ 12:45...