10.10.2023 | 18:00

Бырабыыталыстыба тырааныспар харгыһын туоратар миэрэлэри тобулар

Бырабыыталыстыба тырааныспар харгыһын туоратар миэрэлэри тобулар
Ааптар: Киин Куорат
Бөлөххө киир

Дьокуускайга «Интеллектуальнай тырааныспар систиэмэтэ» олоххо киириитигэр федеральнай бүддьүөттэн 335 мөлүйүөнтэн тахса солкуобайы көрөргө былаанныыллар диэн Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ. Систиэмэ өрөспүүбүлүкэ киин куоратыгар суолга тырааныспар өр сыллаах кыһалҕатын быһаарыаҕа.

«Интеллектуальнай тырааныспар систиэмэтэ» Дьокуускайга 2024 сыл тохсунньу ыйыттан үлэҕэ киириэҕэ.

«Куоракка интеллектуальнай систиэмэ массыына сырыытын бэрээдэктиэҕэ, уопсастыбаннай тырааныспар үлэтин тупсарыаҕа, тырааныспар харгыһын уонна, итинэн сибээстээн, салгыны буортулааһыны аҕыйатыаҕа. Дьон наадалаах сирдэригэр сыыдамнык тиийэр буолуохтара», - диэн бэлиэтээтэ Айсен Николаев.

Дьокуускайга 2021-2022 сылларга 31 светофор эбийиэгэ саҥардылынна, светофордары ыраахтан салайан үлэлэтэр  коммутатордар уонна видеокамералар турдулар. Үлэ Дзержинскэй, Можайскай, Орджоникидзе, Петр Алексеев, Поярков, Октябрьскай, Ойуунускай, Каландаришвили, Лермонтов, Автодорожнай уулуссаларга уонна Өктөөп 50 сыла автострадаҕа ыытылынна. Окружной шоссеҕа 18 тырааныспар детектора таҥылынна.

Биир кэлим дьуһуурунай диспетчерскэй сулууспа иһинэн муниципальнай таһымнаах салайар пуун тэрилиннэ. Итиннэ анаан сервернэй тэрил ылылынна. «Нам» массыына суолугар информационнай табло туруорулунна, эмиэ итинник тэрил «Умнас» суолга оҥоһуллара былааннанар.

Быйыл, 2023 сылга, 13 тырааныспар детектора үлэҕэ киириэхтээх,  35 светофор эбийиэгэ саҥардыллыахтаах. Ити курдук, киин куорат сүрүн суоллара тырааныспар детектордарынан уонна саҥардыллыбыт, камералаах, информацияны анаалыстыыр светофордарынан хааччыллыахтара.  Систиэмэни оҥорор уонна үлэҕэ киллэрэр хантыраактар туолууларын түһүмэҕэ быйыл сэтинньи ыйга түмүктэнэр. Салгыы «Интеллектуальнай тырааныспар систиэмэтэ» Олохтоох дьаһалта уонна өрөспүүбүлүкэ Тырааныспарга министиэристибэтин салайыыларыгар киирэр.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Хомунаалынай төлөбүр төһө үрдүүрүй?
Сонуннар | 11.07.2024 | 12:00
Хомунаалынай төлөбүр төһө үрдүүрүй?
Ый саҕаланыытыгар үгэспитинэн саҥа сокуоннары билиһиннэрэбит. От ыйыттан туох уларыйыыта киирдэ?
НВК Саха бырагыраамата от ыйын 8-14 күннэригэр
Сонуннар | 07.07.2024 | 10:00
НВК Саха бырагыраамата от ыйын 8-14 күннэригэр
Понедельник, 8 июля 6:00 Тиэргэн 6+ 6:30 Мы вам покажем 12+ 7:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 Айтал уонна аптаах куус 0+ 11:45 О5о саас ыллыыр 6+ 12:00 "Якутия" информационная программа 12+ 12:15 Сайдыс 6+ 12:45...