09.02.2024 | 14:00

Битэмиини аһылыктан ылар ордук

Битэмиини аһылыктан ылар ордук
Ааптар: Розалия Томская
Бөлөххө киир

Битэмиин киһи доруобуйатыгар сүҥкэн суолталаах. Ууга суураллар битэмииннэр (холобур, В, С, К, Н, РР) ферменнэр састааптарыгар киирсэллэр, оттон сыаҕа суураллааччылар (А, D, E) гормоннары оҥорорго наадалаахтар.

 

Битэмииннэр киһи организмыгар бэйэлэрэ үөскээбэттэрин кэриэтэ (үөскүүр да буоллахтарына, бэрт кыратык), ол иһин сүрүн иҥэмтиэлээх эттиктэрбитин аһыыр аспытыттан  ылыахтаахпыт. Куһаҕаннык аһыыр эбэтэр ас иҥэмтиэтэ кэһиллэр буоллаҕына, киһи авитаминозтуур.

 

Исписэлиистэр суруйалларынан, авитаминоз диэн былыргы үйэлэргэ ордук көстөрө, билигин үчүгэйдик аһыы сылдьар киһи мээнэ ыалдьыбат. Гиповитаминоз диэн ханнык эмэ битэмиин тиийбэтин ааттыыллар – араас ыарахан ыарыылаах да, доруобай соҕус да дьоҥҥо баар буолуон сөп.

 

Ханнык астарга ханнык битэмиин элбэҕий?

А битэмиин. Куурусса, ынах быарыгар, “Печень трески” диэн кэнсиэрбэҕэ баар. Күннээҕи аһылыккытыгар кыһыллыҥы-араҕас бородуукталары элбэтиҥ: моркуоп, болгарскай биэрэс, абрикос, тыква. Ол эрэн бу аһылыктары аһара элбэҕи сиэтэххэ, саһарардыахха сөп.

В1 битэмиин. Сибиинньэ этигэр, бекоҥҥа, горохха, доруоһаҕа элбэх.

В2 битэмиин. Сүөһү быарыгар, бүөрүгэр, доруоһаҕа, миндаль эриэхэҕэ.

В5 битэмиин (пантотеновай кислота). Сибиинньэ уонна ынах этин буотараҕар (быар, бүөр).

В6 битэмиин. Фасоль, соя, куруппа арааһа, быар, бүөр.

В9 битэмиин. Доруоһа, ынах уонна сибиинньэ быара, соя.

В12 битэмиин. Бу битэмиин тиийбэт буолуутун аҕыйах күн ынах эбэтэр сибиинньэ быарын сиэн толорунуохха сөп эбит. Итиэннэ селедка, сардина, скумбрия балыктарга баар.

Н битэмиин (биотин). Эмиэ ынах, сибиинньэ быарыгар, сояҕа, арахиска, овсянкаҕа элбэх.

Р битэмиин. Хаптаҕас, дөлүһүөн, уулаах отон.

РР битэмиин (ниацин). Арахиска, подсолнух сиэмэтигэр, сүөһү быарыгар.

С битэмиин. Сибиэһэй оҕуруот аһыгар уонна фруктаҕа. Саамай элбэх цитруска баар. Дөлүһүөн, болгарскай биэрэс, хаптаҕас, облепиха.

D битэмиин. Балыкка элбэх.

Е битэмиин. Ордук элбэх концентрацията соевай, курукузнай уонна мас арыытыгар баар буолар.

К битэмиин. Өҥнөөх уонна брюссельскай хаппыыстаҕа, күөх салаакка, кабачокка, ынах арыытыгар, сыырга.

 

С битэмииннээх астар өр харалыннахтарына, битэмииннэрэ сүтэргэ барар. В6 уонна В12 битэмииннээх астар буһардахха битэмииннэрин таһыма биллэ намтыыр. А битэмиин сыаны, арыыны эрэ кытта иҥэр кыахтаах.

 

* Дьахтар аймах уһун үйэлэниитин үөрэтэр, тарҕатар коуч Марго Фокс дьахтарга туһалаах битэмииннээх астары быһаарбыт:

А (сүбүөкүлэ, укуруоп, кииһилэ, моркуоп)

В (мята, помидор, хаппыыста)

С (укуруоп, редька, лимон, чили биэрэс)

D (тэллэй, хаппыыста, петрушка)

Е (авокадо, шпинат, горох)

Үһүйээҥҥэ кэпсэнэринэн, аатырбыт кэрэ дьахтар Афродита муора күүгэниттэн үөскээбитэ. Кэрэ көстүүтүнэн үйэлэргэ аатырбыта. Муора уута уонна тууһа кальций, молибден, магний, хлор, селен, бром, дьуот, алтан, тимир, кобальт, марганец, кремний уонна үрүҥ көмүс састааптаах. Ол барыта Афродита кэрэ буолбутун кистэлэҥэ эбит. Күннээҕи аһылыкка туттар туускутун муора тууһунан солбуйдаххатына, эт-сиин тууһун таһыма тэҥнэһиэҕэ, иммнутет күүскэ үлэлээн барыаҕа диэн ааптар суруйар.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....
НВК Саха бырагыраамата от ыйын 1-7 күннэригэр
Сонуннар | 30.06.2024 | 10:00
НВК Саха бырагыраамата от ыйын 1-7 күннэригэр
Понедельник, 1 июля  6:00 Сана кун 6+ 7:00 Международные дневники МСИ "Дети Азии" 6+ 7:05 Сана кун 6+ 8:00 Утро Якутии 6+ 9:00 "Якутия" информационная программа 12+ 9:15 Сана кун 6+ 10:00 Дневник Игр "Дети Азии" 6+ 10:15 Саха сатаабата суох 6+ 10:45 О5о саас ыллыыр 6+ 11:00 VIII  Игры...