24.12.2021 | 14:00

Биир дойдулаахтар Аллеялара оҥоһуллуоҕа

Биир дойдулаахтар Аллеялара оҥоһуллуоҕа
Ааптар: Киин Куорат
Бөлөххө киир

Куорат баһылыга Евгений Григорьев Дьокуускайдааҕы биир дойдулаахтар Сэбиэттэрин бырабылыанньатын кытта көрсүһүүтүгэр Сэбиэт бэрэссэдээтэлэ Иван Неустроев өрөспүүбүлүкэ киин куоратыгар биир дойдулаахтар Аллеяларын оҥоруу, «Славлю республику мою» бэстибээли уонна «Посади дерево» экологическай аахсыйаны ыытыы туһунан былааннары кэпсээбит. Бу туһунан Уокуруктааҕы дьаһалта пресс-сулууспата иһитиннэрдэ.
Иван Неустроев дакылаатыгар 2022 сылга ыытыллар үлэ барыта Саха АССР төрүттэммитэ 100 сылыгар ананар.
Куорат баһылыга Евгений Григорьев оройуоннар түмсүүлэрин салайааччыларын ааһан эрэр сылга таһаарыылаах үлэлэрин иһин махтанна. 
«Бииргэ үлэлээммит сылы үчүгэйдик түмүктээн эрэбит. Биллиилээх судаарыстыбаннай деятеллэрбит уонна геройдарбыт ааттарын үйэтитиигэ улахан үлэни ыыттыбыт. Билигин Сэбиэскэй Сойуус Геройа Федор Кузьмич Попов скверын  оҥорууга түмүктэрдээхпит, Тарас Гаврилович Десяткиҥҥа пааматынньык туруорарга миэстэни көрүүгэ үлэ ыытылынна, 203-с дьоҕус оройуоҥҥа баар СМАРТ-библиотекаҕа Николай Денисович Неустроев аатын иҥэрэргэ үлэ барар», – диэтэ Евгений Григорьев.
Биир дойдулаахтар Сэбиэттэрин биир дьоһун көҕүлээһиннэринэн куорат уокуругун территориятыгар тыа хаһаайыстыбатын оҥорон таһаарыччыларын өйөөһүн буолар.
«Көҕүлээһин чэрчитинэн бүгүҥҥү күҥҥэ Дьокуускай 9 сылаас тохтобулларыгар 9 муниципальнай тэриллиилэр олохтоох бородууксуйалара атыыланар», – диэн эбэн эттэ куорат баһылыга. 
Биир дойдулаахтар Сэбиэттэрин бэрэссэдээтэлэ Иван Неустроев бырабылыанньа чилиэннэрин аатыттан Евгений Григорьевка өйөбүлүн уонна тыа хаһаайыстыбатын бородууксуйатын атыылааһыҥҥа сылаас тохтобуллары биэрбитин иһин махталын биллэрдэ.
Куорат уокуругун уопсастыбаннай олоҕор кыттыыларын иһин куорат баһылыга Евгений Григорьев бырабылыанньа көхтөөх чилиэннэригэр махтал суруктары туттартаата. 
Санатар буоллахха, Дьокуускай куорат баһылыгын иһинэн өрөспүүбүлүкэ улуустарын түмсүүлэрин Сэбиэтэ 2021 сыл муус устар 22 күнүгэр тэриллибитэ.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...