«Биһиги бары ВОИттан»

Ол чэрчитинэн «биһиги бары ВОИттан» диэн девизтээх айар талаан бэстибээл-куонкурса алтынньы 15 күнүгэр Үүнэр көлүөнэ тыйаатырыгар биэс түһүмэҕинэн буолан ааста.

Бу тэрээһиҥҥэ Алдантан, Амматтан, Бүлүүттэн, Горнайтан, Мэҥэ Хаҥаластан, Намтан, Тааттаттан, Сунтаартан, Уус Алдантан, Хаҥаластан уонна Дьокуускайтан уопсастыба чилиэннэрэ мустан, талааннарын дьон дьүүлүгэр таһаардылар. Араас кэрэ хартыыналар, сүдү оҥоһуктар быыстапкалара турда. Ону таһынан, уус-уран ааҕыыга, ырыаҕа, саха фольклоругар – олоҥхоҕо, чабырҕахха, итини таһынан хомуска оонньоон, флейтаны тыаһатан, араас омук үҥкүүлэрин толорон дьон болҕомтотун тартылар. Маны барытын дьүүллүүр сүбэ сыаналаата.

Дьүүллүүр сүбэ:

Хомподоев Василий – үүнэр көлүөнэ тыйаатырын артыыһа;

Ларионова Мария – истибэттэр уопсастыбаларын исписэлииһэ;

Прокопьева Наталья – ЯРО ВОИ бэрэсэдээтэлин солбуйааччыта.

Куонкурус түмүгэ

Инструментальнай күрэххэ: Тааттаттан Петр Башарин – 1 миэстэ, Дьокуускайтан Наталья Никифорова – 2 миэстэ, Уус Алдантан Елена Сивцева – 3 миэстэ.

Быыстапкаҕа: Тааттаттан  Клара Читаева – 1 миэстэ, Сунтаартан Мираида Попова – 2 миэстэ, Ольга Братус – 3 миэстэ.

Үҥкүү күрэҕэр: Амматтан Ольга Наумова – 2 миэстэ, Мэҥэ Хаҥаластан Николай Винокуров – 3 миэстэ.

Уус-уран ааҕыыга:

Намтан Александра Соловьева – 1 миэстэ;

Тааттаттан Александра Богдокумова – 2 миэстэ;

Хаҥаластан Антонина Петрова – 3 миэстэ.

Ырыа күрэҕэр:

Тааттаттан Константин Иванов – 1 миэстэ;

Дьокуускайтан Григорий Дмитриев – 2 миэстэ;

Амматтан Роберт Григорьев – 3 миэстэ. Кыайыылаахтар сыаналаах бириис ылан үөрүүлэрэ үгүс.

Ону таһынан, бары кыттыылаахтар сертификатынан уонна биһирэбил бириистэринэн наҕараадаланнылар.

Маннык олоххо дьулуурдаах, доруобуйаларын туругун аахсыбакка, олох үөһүгэр сылдьаллара элбэх киһиэхэ холобур буолуон сөп.