25.04.2022 | 16:00

Бэтэрээннэр VIII-с спартакиадалара түмүктэннэ

Бэтэрээннэр VIII-с спартакиадалара түмүктэннэ
Ааптар: Киин Куорат
Бөлөххө киир

Кулун тутар 28 күнүттэн муус устар 22 күнүгэр диэри Дьокуускайга Саха АССР төрүттэммитэ 100, Дьокуускай куорат 390 сылларыгар уонна СӨ Ийэ сылыгар анаммыт Бэтэрээннэр VIII-с спартакиадалара ыытылынна. Бу туһунан Дьокуускай куорат Нэһилиэнньэ социальнай харалтатыгар уонна үлэҕэ управлениета иһитиннэрдэ.
Күрэхтэһиилэргэ 8 управа уонна 6 куорат кытыытын бэтэрээннэрин хамаандалара, уопсайа 400-тэн тахса киһи кытынна.
Бэтэрээннэр спорт тоҕус көрүҥүнэн күрэхтэстилэр: хайыһарга эстафета, буулдьанан ытыы, саахымат, дуобат, остуол тенниһэ, хаамыска, хабылык, бильярд уонна волейбол. Күрэхтэһиилэр «Модун», «Триумф», «Дохсун» спорт комплекстарыгар, Саахымат-дуобат киинигэр, «Байанай» тииргэ, «50 лет Победы» Спорт дыбарыаһыгар ыытылыннылар.
Буулдьанан ытыыга 12 хамаандаттан үстүү бэрэстэбиитэл кытынна. Манна кыайыыны 88 бааллаах (90-тан) Губинскай уокурук хамаандата ситистэ. Иккис миэстэҕэ 86 бааллаах Хатас сэлиэнньэтин хамаандата таҕыста, үһүскэ – 85 бааллаах Октябрьскай уокурук хамаандата.
Саахымакка бастакы миэстэҕэ – Киин уокурук, иккискэ – Строительнай, үһүскэ – Сайсары уокуруктарын хамаандалара. Дуобакка бастакы миэстэҕэ Октябрьскай уокурук хамаандата таҕыста, иккискэ – Строительнай уокурук хамаандата, үһүскэ – Пригороднай сэлиэнньэтин хамаандата. 
«Дохсун» спорткомплекска ыытыллыбыт остуол тенниһигэр бастакы миэстэни Киин уокурук бэтэрээннэрэ ыллылар, иккис миэстэҕэ – Губинскай уокурук, үһүскэ – Октябрьскай уокурук хамаандалара. 
«Триумфка» буолбут бильярд турнирыгар Киин уокурук хамаандата бастаата. Иккис миэстэҕэ – Хатас бэтэрээннэрэ, үһүскэ –Автодорожнай уокурук хамаандата.
Василий Манчаары аатынан «Модун» өрөспүүбүлүкэтээҕи спорт национальнай көрүҥнэрин киинигэр ыытыллыбыт хабылыкка уонна хаамыскаҕа күрэхтэһиилэргэ, иккиэннэригэр,  Киин уокурук бэтэрээннэрэ бастаатылар. Икки көрүҥҥэ иккис уонна үһүс миэстэлэри Октябрьскай уонна Губинскай уокуруктар хамаандалара ыллылар.
«50 лет Победы» Спорт дыбарыаһыгар ыытыллыбыт волейболга кыайыылааҕынан Киин уокурук бэтэрээннэрэ таҕыстылар. Иккис миэстэҕэ – Автодорожнай, үһүскэ – Октябрьскай уокуруктар хамаандалара.
Уопсай түмүккэ спартакиада кыайыылааҕынан Киин уокурук хамаандата буолла, иккискэ – Октябрьскай, үһүскэ – Губинскай уокуруктар бэтэрээннэрэ. 
VIII-с спартакиада үөрүүлээх түмүктэниитигэр куорат баһылыгын солбуйааччы Наталья Степанова, Дьокуускай куораттааҕы Дуума бэрэссэдээтэлин бастакы солбуйааччыта Евдокия Евсикова, Дьокуускай куорат Нэһилиэнньэ социальнай харалтатыгар уонна үлэҕэ управлениетын салайааччыта Семен Матвеев, киин куорат бэтэрээннэрин Сэбиэтин бэрэссэдээтэлэ Николай Тряпша, «Ветеран» кулууп бэрэссэдээтэлэ Ирина Соловьева уо.д.а. ыҥырыылаах ыалдьыттар сырыттылар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...