Бастыҥ волонтердар бирииһинэн бэлиэтэниэхтэрэ

Ол курдук, кулун тутар 15 күнүттэн Арассыыйа бары регионнарыгар «Куорат сиригэр табыгастаах эйгэни тэрийии» федеральнай бырайыагынан 2025 сылга тутуллар уопсастыбаннай туоналары талыыга рейтиннээх куоластааһын саҕаланаары турар.
Саха Өрөспүүбүлүкэтин олохтоохторо 29 нэһилиэнньэлээх пууҥҥа тутуллар 62 эбийиэктэн талар кыахтаахтар.
Оттон бу хамсааһыҥҥа баҕа өттүнэн көмөлөһүөн, волонтер буолуон баҕалаахтар ДОБРО.РФ платформаҕа номнуо бэлиэтэнэн саҕалаатылар. Волонтердары кытта үлэни регионнарга тэриллэр ыстааптар сүрүннээн, ыйан-кэрдэн биэриэхтэрэ. Ордук үчүгэйдик үлэлээбиттэр тэрийээччилэр ааттарыттан бириис тутуохтара. 
Санатар буоллахха, ааспыт 2023 сылга маннык куоластааһыҥҥа 100 000 тахса волонтер көмөлөспүтэ (2022 сыллааҕар икки бүк элбэх). Волонтердар көмөлөрүнэн куоластааһыҥҥа 14,2 мөл. кэриҥэ киһи кыттыыны ылбыта.
«Формирование комфортной городской среды» федеральнай бырайыак саайта: https://gorodsreda.ru  
Саха сиригэр Дьокуускай куораты таһынан Томмот, Алдан, Аллараа Кураанах, Сангаар, Айхал, Чернышевскай, Беркакит, Чульман, Хаандыга, Мохсоҕоллоох, Уус Майа бөһүөлэктэрин, Дүллүкү, Үөһээ Бүлүү, Хоро, Үөдэй, Нам, Мукучу, Кэбээйи, Ленскэй, Бороҕон, Таатта, Чурапчы нэһилиэктэрин, Нерюнгри, Ленскэй, Мииринэй, Удачнай, Ньурба, Өлүөхүмэ, Покровскай, Бүлүү куораттарын бырайыактарыгар куоластыахха сөп, диэн иһитиннэрэр СӨ Ил Дарханын иһинэн Архитектура уонна куораты тутуу управлениета.