Балыыһаларга анал байыаннай дьайыы кыттыылаахтарын көрөр күн баар буолла
![Балыыһаларга анал байыаннай дьайыы кыттыылаахтарын көрөр күн баар буолла](https://kiinkuorat.ru/wp-content/uploads/2024/07/1serfggyrC.jpg)
Ол туһунан от ыйын 22 күнүгэр Бырабыыталыстыба бэрэссэдээтэлин солбуйааччы Георгий Степанов нэдиэлэтээҕи брифиҥҥэ иһитиннэрдэ.
Георгий Степанов бэлиэтээбитинэн, 2024 сыл бүтүөр диэри бойобуой дьайыылар бэтэрээннэрэ – анал байыаннай дьайыы кыттыылаахтара – диспансеризацияны уонна медосмотру олорор сирдэринэн диспансеризация бырагырааматыгар кыттар бары эмп тэрилтэлэригэр, ол иһигэр судаарыстыбаннайа суох тэрилтэлэргэ эмиэ, түбүгэ суох ааһар кыахтаннылар. Ол эбэтэр сыл бүтүөр диэри поликлиникалар хас субуота ахсын анал байыаннай дьайыы кыттыылаахтарыгар олорор сирдэринэн медосмотр, диспансеризация ыытар буолуохтара.
Маны таһынан Саха сиригэр Ил Дархан Айсен Николаев сорудаҕынан анал байыаннай дьайыы кыттыылаахтарыгар уонна кинилэр дьиэ кэргэннэригэр аадырыстаах көмөнү оҥоруу салҕанар.
Ол курдук, Георгий Степанов иһитиннэрбитинэн, 113 ыал гаас киллэртэрэригэр аадырыстаах көмө оҥоһуллубут, анал байыаннай дьайыы кыттыылааҕын 358 төрөппүтэ санаторийга сынньаммыт, 308 киһи байыас эмтэнэр сиригэр баран кэлиигэ материальнай көмөнү ылбыт, 749 байыас уонна кинилэр дьиэ кэргэннэриттэн 1 195 киһи реабилитацияны ааспыт, 233 киһи дьиэҕэ уонна стационарга социальнай көмөнөн туһаммыт.
Нэһилиэнньэ дьарыктаах буолуутун кииннэригэр 526 анал байыаннай дьайыы кыттыылааҕа уонна кинилэр дьиэ кэргэннэрин чилиэннэрэ үлэ уонна идэ ылыы боппуруоһунан кэлэн барбыт, ол иһигэр 118 киһи үөрэххэ ыҥырыллыбыт, 310 киһи үлэ миэстэтин булбут, диэн иһитиннэрэр Ил Дархан уонна бырабыыталыстыба пресс-сулууспата.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)