Балыксыттар мууска сэрэхтээх буолуҥ!

Дьокуускайдааҕы Гражданскай оборона уонна нэһилиэнньэни ыксаллаах быһыыттан-майгыттан харыстыыр Управление муус аннынан балыктааччылары сэрэхтэх буоларга ыҥырар:

1. Мууһунан сылдьарга анаммыт туоруур сирдэринэн эрэ сылдьыҥ. Сэрэхтээх, халыҥ хаардаах, билбэт сирдэргитин тумна хаамыҥ. Ордук уу түһэр, муус ылыллар сирдэриттэн ыраах сылдьыҥ. 7 см халыҥнаах, көҕөрүмтүйэн көстөр муус эрэ киһини уйар кыахтаах. Хас да буолан сылдьарга бэйэ-бэйэҕититтэн 5-6 м. тэйиччи хаамыҥ, ким эрэ муус анныгар барар түгэнигэр көмөлөһөргө бэлэм буолуҥ. Муус үрдүнэн хайыһарынан сылдьаргытыгар урукку суолларынан айаннааҥ, саҥа суолу тэлэр буоллаххытына хайыһаргыт маһын быатын илиигитигэр иилимэҥ, хайыһаргыт хатааһынын атаххытыттан босхолооҥ. Бастакы баран иһэр хайыһардьыт мууһу маһынан охсон көрөн бэрэбиэркэлиэхтээх. Балыктыыргытыгар элбэх ойбону чугас-чугас алларымаҥ.
2. Хас биирдии балыксыт 12-15 м уһуннаах быалаах буолуохтаах. Быатын биир өттүгэр 400-500 гр ыйааһыннаах, биир өттүгэр биэтилэлээх буолуохтаах.
3. Балыктыы барыаххыт иннинэ хайаан да күн-дьыл туругун үөрэтиҥ.
4. Балыктыыр сиргитин таларгытыгар манныкка болҕомто ууруҥ: эрдэ мууһурар, бастаан тоҥор сирдэри талыҥ. Үрэх эргииригэр, сүүрүктээх, таастаах сиргэ муус чараас буоларын умнумаҥ. 
5. Уу ортотун диэки балыктыыр сэрэхтээх.