02.10.2020 | 11:29

Баһылыктан ыйыт

Баһылыктан ыйыт
Ааптар: Киин Куорат

Урут кыһалҕаҕа кыһарыйтарбыт куорат олохтоохторо хара сарсыардаттан дьаһалта дьиэтигэр тоҕуоруһаллара. Бэрт түргэнник да быһаарыллар боппуруостаах эрээри, күнү быһа уһун уочаракка тураллара. Билигин олох уларыйан, анал сайтар, порталлар, социальнай ситимнэр, быһа линия төлөпүөннэрэ баар буоланнар, күннээҕи кыһалҕалары быһаарыы судургу соҕус буолла.

Сорох боппуруос, омуннаабакка эттэххэ, эҕирийиэх бэтэрээ өттүгэр көрүллэр. Балысхан сайдыыны батыһа, олох, үлэ хаамыыта тэтимирдэ. Кырдьык, сорох боппуруос өр көрүллэр, үгүс үбү эрэйэр, онон тута быһаарыллыбат. Ардыгар кыһалҕалаах дьон бэйэлэрэ уһатан-кэҥэтэн, тустаах тэрилтэлэргэ бара сылдьыбакка, кыаллар да кыахтаах кыайтарбат түгэнэ баар суол.

Куорат дьаһалтата олохтоохтору кытта быһаччы үлэлииргэ дьулуһар, хас биирдии боппуруоһу кыраҕытык көрөр, быһаарар суолу тобулар. Онуоха нэһилиэнньэни кытта ыкса сибээһи олохтуур бары ньыманы туһанар.   

Ол курдук, бу сайын хаһыаппытыгар куорат баһылыга Сардана Авксентьева аккаунуттан куорат олохтоохторун көрдөһүүлэрин, ыйытыыларын, этиилэрин онно тустаах тэрилтэлэр хоруйдарын таһаарбыппыт.

Атырдьах ыйыгар Сардана Авксентьева бэйэтин Инстаграмыгар: “Күндү доҕоттор! Эһиги миигиттэн дьаһалта үлэтин араас хайысхаларыгар сыһыаннаах элбэх ыйытыыны биэрэҕит. Үксүн сиһилии, толору хоруйдары истиэххитин баҕараҕыт. Онон биһиги хамаанданан чопчу тиэмэлэринэн быһа эфирдэри ыытарга сүбэлэстибит. Оччоҕуна эһиги толору хоруйу ылар кыахтаныаххыт”, – диэн суруйбута.

Онтон ыла хас да быһа эфир буолан ааста. Куорат баһылыгын солбуйааччылар Евгений Григорьев, Наталья Степанова, Роман Сорокин, Георгий Гаврильев, Үөрэх управлениетын начаалынньыга Алексей Семенов, Куорат хаһаайыстыбатын үлэлэтэр сулууспа салайааччыта Айаал Егинов нэһилиэнньэ ыйытыыларыгар хоруйдаатылар.

Быһа эфир кэмигэр дьон-сэргэ тугунан тыынан олороро, кинилэр туох кыһалҕалаахтара, уопсайынан, норуот куолаһа иһиллэр. Сардана Владимировна этэринии, барытын киһи быһаарар.

Мантан ыла редакция көҕүлээһининэн, ааҕааччылар көрдөһүүлэринэн, дьаһалта өйөбүлүнэн, биһиги хаһыаппытыгар куорат баһылыгын колонката тахсар буолуоҕа. Онно эһиги ыйытыыларгытын, баһылык хоруйун бэчээттиэхпит.

Күндү ааҕааччылар!

Суруктаргытын kiin-kuorat99@mail.ru электроннай почтаҕа,

Инстаграмҥа @kiinkuorat.ru диреккэ,

+7 914 270-64-04 бассаапка күүтэбит. 

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.