Бүгүн Василий Егоров киирсэр

Бу күннэргэ, сэтинньи 28 күнүттэн саҕалаан ахсынньы 5 күнүгэр диэри Оренбург куоракка Арассыыйа боксаҕа чемпионата буола турар. Саха сириттэн уон боксер кыттыыны ылаллар. Айаал Степанов,  Виталий Стручков, Николай Григорьев, Назар Андреев хотторуу хомолтотун билэн туораатылар. Түөрт боксердарбыт утарсааччыларын хотуталаатылар.

Михаил Варламов рингэҕэ тахса илик.

49 кг Москва чөмпүйүөнэ уонна Арассыыйа Кубогын кыайыылааҕа Горнайтан Борис Сидоров; соҕуруу федеральнай уокуруктан Михаил Прокопьев; Уһук Илин призера Валерий-Талбан Егоров уонна 52 кг Санкт Петербург чөмпүйүөнэ, онно устудьуоннуур, Мэҥэ Хаҥалас Төхтүрүн ыччата Евгений Мартынов; Арассыыйа, Европа чөмпүйүөнэ, аан дойду үрүҥ көмүс призера Василий Егоров; 57 кг Уһук Илин үс төгүллээх чөмпүйүөнэ Михаил Варламов, чемпионаты кыайыыларынан саҕалаатылар. 52 кг Евгений Мартынов финалга тахсар иһин Москваттан Артур Нагапетянныын, Василий Егоров ыччаттарга Европа призера Челябинскайтан Максим Стахеевы кытта бүгүн киирсиэхтэрэ.