30.06.2020 | 10:54

Атласовтар уһаайбалара күөҕүнэн чэлгийэр

Атласовтар уһаайбалара күөҕүнэн чэлгийэр
Ааптар: Киин Куорат
Бөлөххө киир

Дьокуускай куоракка көҕөрдүү уонна тупсарыы үлэтэ күргүөмнээхтик ыытыллар. Уокуруктарга, куорат тэрилтэлэригэр, чааһынай дьиэлэр тэлгэһэлэригэр хараҕы сымнатар, дууһаны сылаанньытар кэрэ көстүү элбэх.

Олортон биирдэстэрэ кэргэннии Атласовтар этно-уһаайбалара буолар. Манна дьыл кэмиттэн тутулуга суох, саха киһитин кутун тутар, сахалыы сиэрдээх-туомнаах тутуулар, киин куораппытыгар ыалдьыттыы кэлбит туристары, куорат олохтоохторун, ону таһынан тыа дьонун өрүү угуйа, ыҥыра турар.

Валентина Иннокентьевна Атласова-Алгыстыына, Дьокуускай куорат:

– 1989 сылтан туризмынан дьарыктанабыт. Саха сиригэр кыһыннары-сайыннары үлэлиир туристическай комплекстары  араас улуустарга, Дьокуускай куоракка тутан кэллибит. Сир аайы түһүлгэлэрбитин  отунан-маһынан, сибэккинэн симээн иһэбит. Бу түһүлгэбитигэр  сэттис сылбытын сайыны көрсөн олоробут. Алта сыл анараа өттүгэр тэлгэһэбитигэр 500 сэппэрээги, чэчир  маһы солооһунтан  көҥүл ылан олордубуппут. Сылын аайы 200-300 сибэкки арааһын олордон  киэргэтэбит. Таспытыгар уу суох буолан, көлүйэ оҥостон уу хаһаанабыт. Онтубут уолбатын диэн тула талахтары олордубуппут.  Хатыҥ, тиит, бэс, харыйа, иирэ арааһа, долохоно, акация, яблоня, хаппырыас, дөлүһүөн, моонньоҕон, хаптаҕас уһаайбабытыгар толору үүннүлэр.

Моҕол ураһа, балаҕан, Мэҥэ Хаҥалас баайа Пономарев башнятын конструкциятынан тутуллубут дьиэ дьон-сэргэ болҕомтотун тардар.

                       Киин куорат киэн туттар уһаайбата

Анна Васильева, Бүлүү куората:

Мин “Атласовтар уһаайбалара” туристическай комплекска былырыын сайын ыытыллыбыт биир тэрээһиҥҥэ сылдьан, сөҕөн-махтайан турардаахпын. Ол иннинэ бу уһаайба туһунан дьонтон истэн билэрим. Бара сылдьыахпын, илэ харахпынан көрүөхпүн наһаа баҕарар этим. Сайын саамай үгэнигэр сылдьыбыт буоламмын, манна олордуллубут оту-маһы сэргии көрбүтүм. Күөх зоната элбэҕэ сөхтөрбүтэ. Мас арааһын, сибэкки эгэлгэтин олордубуттара хайҕаллаах. Чааһынай дьон тэрилтэтэ диэтэххэ, көҕөрдүү өттүгэр күүстээх үлэни ыыппыттара биллэр. Сахалыы моһуоннаах тутууларын эмиэ биһирээбитим. Куорат олохтоохторо кырдьаҕастыын-оҕолуун сөбүлээн сылдьар, сынньанар сирдэрэ эбит. Маннык туристическай комплекс киин куораппытыгар баара кэрэхсэбиллээх. Тупсаҕай тутуулары көрөн, киһи астынар, уопут ылар. Көҕөрдүүтэ да элбэҕэ. Комплекска сылдьан сэргээбит мастарбын быйыл саас дьүөгэбиттэн умнастыын ыламмын тиэргэммэр олортум. Этэҥҥэ үүнэрэ буоллар диэн баҕалаахпын. Уопсайынан, сайын куоракка ыалдьыттыы бардахпына, хас тэрилтэ, болуоссат аайы көҕөрдүү, сибэкки олордуу үлэтэ күүскэ ыытылларын бэлиэтии көрөбүн. Куорат хаһаайыннааҕа биллэр.  Санаабын сааһылаан этэр буоллахпына, сайыҥҥы өттүгэр куораты тупсарыы үлэтигэр сахалыы моһуону, ол эбэтэр дизайны киллэрэллэрэ буоллар. Мин ити клумбаны олордуу чааһыгар этэбин. Ханан эрэ сахалыы оһуордаах сибэкки уурар иһиттэри ураты тыыннаан киллэрэллэрэ буоллар, дьон-сэргэ сэҥээрэ көрүө этэ.  

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...