24.05.2022 | 16:00

Арыгынан эргинэр эбийиэктэр аҕыйыахтара

Арыгынан эргинэр эбийиэктэр аҕыйыахтара
Ааптар: Киин Куорат
Бөлөххө киир

Киин куорат Олохтоох дьаһалтата арыгыны атыылыыр эбийиэктэри социальнай тэрилтэлэртэн, оскуолалартан, оҕо уһуйааннарыттан тэйитэргэ, икки ардыларын улаатыннарарга улахан үлэни ыытта. Бу туһунан куорат баһылыга Евгений Григорьев «Россия 24» телевизионнай ханаалга ыытыллыбыт «Куораты кытта быһа эфир» биэриигэ көрөөччүлэр ыйытыктарыгар хоруйдаата диэн иһитиннэрдэ Олохтоох дьаһалта пресс-сулууспата.
«Быйыл биһиги уураах ылыммыппыт, онно олоҕуран итирдэр утахтар социальнай эбийиэктэр аттыларыгар уонна элбэх кыбартыыралаах дьиэлэр территорияларыгар атыыламматтар. «Разливайка» диэн аатынан биллэр атыы туочукаларын туһунан этэр буоллахха, кинилэр лицензията суох үлэлииллэр, ол иһин үлэлэрин тохтотуохтара. Куорат олохтоохторо арыгыны сокуоннайа суох атыылааһын түбэлтэлэрин туһунан биһиэхэ салалта территориальнай уорганнарын, административнай хамыыһыйа нөҥүө биллэриэхтэрин сөп. Итини сэргэ мин оробуочай приемнайбар уонна «ВКонтакте» социальнай ситим нөҥүө бэйэҕит иһитиннэриигитин хаалларыаххытын эмиэ сөп, булгуччу барытын бэрэбиэркэлиэхпит», - диэн эрэннэрдэ Евгений Григорьев.
Быһа эфири бүтүннүү сигэнэн киирэн көрүөххэ сөп.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...