«Арктика эйгэтэ» быыстапкаттан

Атырдьах ыйын 9 күнүгэр Аан дойду төрүт норуоттарын аан дойдутааҕы күнэ бэлиэтэннэ.

А.Е.Кулаковскай аатынан Норуоттар доҕордоһууларын дьиэтигэр атырдьах ыйын 9-10 күннэригэр  “Арктика эйгэтэ” (“Мир Арктики”) эрэгийиэннэр икки ардыларынааҕы  IV быыстапка-дьаарбаҥка ыытылынна. Быыстапка сыалынан-соругунан  Хотугу сир, Сибиир уонна Уһук Илин  аҕыйах ахсааннаах төрүт норуоттарын декоративнай ускуустубаларын уонна уус-уран оҥоһуктарын  сырдатыы уонна тарҕатыы буолар.

Икки күн устата өрөспүүбүлүкэ уонтан тахса улууһуттан кэлбит маастардар үлэлэрин билиһиннэрдилэр.

Быыстапка түмүгүнэн кыайыылаахтар “Түүлээхтэн уонна тирииттэн оҥоһуктар”, “Дьахтар киэргэллэрэ уонна аксессуардара”, “Сувенир оҥоһуктар”, “Хотугу сир норуоттарын куукулата”, “Норуот оонньуурдара”, “Хаһаайыстыбаҕа, олоххо-дьаһахха туттуллар тэрил”, “Хотугу сир норуоттарын үгэс буолбут көстүүмнэрэ”, “Хотугу сир норуоттарын аныгы көстүүмнэрэ” номинацияларынан уонна грамоталарынан  бэлиэтэннилэр.

 Кыайыылаахтар Москва куоракка «Хотугу сир кылаата-2021” норуоттар икки ардыларынааҕы быыстапка-дьаарбаҥкаҕа өрөспүбүүлүкэ аатыттан кыттыахтара.