Ахсынньытааҕы сокуоннар

ОДьКХ тарыыптара

Арассыыйа экономическай сайдыыга Министиэристибэтин анал сайтыгар бэчээттэммит дааннайдарга олоҕуран, “уларыйыы тымныы уонна итии ууга, уот төлөбүрүгэр, ититиигэ, гааска уонна кытаанах бөххө тахсыаҕа. 2022 сыл ахсынньы 1 күнүттэн тарыып индексацияланар муҥутуур таһыма дойду нэһилиэнньэтигэр 9% элбиэ суоҕа”.
Гааска тарыып промышленнай туһанааччыга эмиэ индексацияланар — 8,5%. Маны таһынан индексация физическэй сирэйдэри эмиэ күүтэр. Сетевой хампаанньаларга тарыып 9% таһымҥа быһылынна, бу тарыып нэһилиэнньэҕэ уот төлөбүрүгэр эмиэ маннык буолла. Бу кэнниттэн 2024 сылга диэри тарыып үрдүүрүн күүппэппит. 

Судаарыстыбаннай өҥө нөҥүө учуокка туруу

2022 сыл ахсынньы 1 күнүттэн гражданнар нолуок уорганыгар учуокка турууга сайабылыанньаны Судаарыстыбаннай өҥө биир кэлим порталын нөҥүө ыытыахтарын сөп. Нолуок уоргана учуокка туруу туһунан сибидиэтэлистибэни эмиэ судаарыстыбаннай өҥө нөҥүө биэриэн сөп.

Мобилизованнайдарга көмө НДФЛ-а суох

Анал байыаннай эпэрээссийэҕэ кытта сылдьар хантараагынан барбыттар, мобилизованнайдар уонна доброволецтар, ону таһынан кинилэр дьиэ кэргэттэрэ босхо туһанар баайга-малга НДФЛ-тан уонна страховка төлөбүрүттэн босхолоноллор. Маннык баайы-малы биэриигэ НДС эмиэ көрүллүбэт, оттон ону кытта сыһыаннаах ороскуоттар нолуок баазатын быһаарыыга учуоттаныахтара.