09.06.2021 | 19:59

Абитура чугаһаата! Бэлэмҥин дуо?

Абитура чугаһаата! Бэлэмҥин дуо?
Ааптар: Айталина Софронова
Бөлөххө киир

Абитура чуһаата. Эмиэ биир эппиэттээх, тиритиилээх-хорутуулаах, сүүрүүлээх-көтүүлээх кэм тиийэн кэллэ. Быйылгы үөрэххэ туттарсааччылар тугу билиэхтээхтэрий? Докумуоннары тутар киин  хамыыһыйа хайдах үлэлиирий? Туттарсыыга туох докумуоннар ирдэнэллэрий? Бу уонна атын да ыйытыыларга хоруйу мантан аллара ааҕыҥ.

Бэлиэтээн эттэххэ, Дьокуускай куорат оскуолаларын быйыл 11 кылааһы уопсайа 2180 оҕо бүтэрэр. Онтон 205 выпускник «Үөрэххэ үрдүкү кылааттарын иһин» аттестаты ыларга дьулуһар. 

Арктикатааҕы САТУ докумуоннары бэс ыйын 15 күнүттэн тутар

Арктикатааҕы судаарыстыбаннай агротехнологическай университет, быйылгы сылга  докумуоннары биир бастакынан, ол эбэтэр бэс ыйын 15 күнүттэн тутан саҕалыыр.

Университет быйыл 1300 устудьуону ылар былааннаах, ол иһигэр орто анал уонна үрдүк үөрэх бырагыраамаларыгар  903 бүддьүөт миэстэтин көрбүт. Маны таһынан, 112 миэстэни  тус сыаллаах (целевой) миэстэҕэ анаабыт. Биир кэлим эксээмэн (БКЭ) түмүгүнэн докумуоннары от ыйын 29 күнүгэр диэри тутуохтара.

Манна билигин 8 үөрэх салаата баар: агротехнологическай, инженернэй, экономическай факультет, ветеринарнай медицина факультета, ойуур комплексын уонна сири оҥоруу факультета, Өктөмнөөҕү филиал, технология уонна быыстала суох профессиональнай үөрэхтээһин института.

Аан дойдуну биир гына тэлэһийэ көппүт хамсыктан сылтаан, ааспыт сылтан докумуоннары тутууга кэккэ уларыйыылар киирбиттэр.

 

Докумуоммутун хайдах туттарабыт?

Тутар хамыыһыйаҕа бэйэҥ тиийэн туттарыаххын сөп.

Дистанционнай халыыбынан докумуоннары университет бэйэтин саайтыгар киирэн тус кэбиниэт нөҥүө.

Судаарыстыбаннай өҥө порталын нөҥүө (Поступление в ВУЗ онлайн супер-сервиһинэн) киирэн.

abiturient@agatu.ru электроннай почтанан.

Ханнык баҕарар сиртэн олорон, почта бары салааларын нөҥүө.

Бу докумуоннары туттарарга киирбит саҥа уларыйыылар  өрөспүүбүлүкэ бары олохтоохторугар, ордук уһук хоту улуустарыгар олус табыгастаах. Тоҕо диэтэххэ, үбү-харчыны бараабаккыт, улаханнык ороскуотурбаккыт. Саамай сүрүнэ интэриниэт эрэ баар буолуон наада. Онлайн халыыбы таба туһаныҥ!

Ханнык докумуоннары ирдииллэрий?

Сайабылыанньа

Пааспар куопуйата

Аттестат/диплом

3х4 кээмэйдээх хаартыска – 4 уст.

Флюорография түмүгэ

СНИЛС

Ф086-у медицинскэй ыспыраапка (Ветеринария, Агроинженерия, Бородууксуйа технологията уонна уопсастыбаннай аһылыгы тэрийии; Электроэнергетика уонна электротехника, Теплотехника уонна кыыл-сүөл аһылыгын бэлэмниир салааҕа эрэ бу ыспараапка ирдэнэр).

Хас сайабылыанньаны туттарыахха сөбүй?

Абитуриент 10-тан элбэҕи биэрэр бырааба суох.

БКЭ алын баала төһө буоларый?

Булгуччулаах: нуучча тыла – 36 б., математика  - 27 б., биология – 36 б.;

Хайысханан: физика – 36 б., информатика – 40 б., обществознание – 42 б., история – 32 б., химия – 36 б., омук тыла – 22 б.

Саҥа идэлэри сэргээ

Повар уонна кондитер идэтэ, 9 кылаас баазатын кэнниттэн арыллыбыт.

ХИФУ докумуоннары бэс ыйын 20 күнүттэн тутар

М.К. Аммосов аатынан Хотугулуу-Илиҥҥи федеральнай университет 2021-2022 сс. үөрэх дьылыгар докумуоннары бэс ыйын 20 күнүттэн тутан саҕалыыр. Ол курдук, докумуоннары электроннай халыыбынан тутуохтара:

Үөрэххэ туттарсааччы тус кэбиниэтин нөҥүө докумуоннарын уонна сайабылыанньаларын угар. https://priem2021.s-vfu.ru/ сайт бэс ыйын 20 күнүттэн үлэлииргэ бэлэм турар;

Дойду хайа баҕарар муннугуттан почтанан ыытыахха сөп;

Судаарыстыбаннай өҥө порталын нөҥүө (Поступление в ВУЗ онлайн супер-сервиһинэн).

Ханнык докумуоннары ирдииллэрий?

— Пааспар

— Аттестат/диплом

— ИНН

— СНИЛС

 — Хаартыска

 — Медицинскэй ыспыраапка 086у/302н формалаах (баар буоллаҕына)

— Тус ситиһиини туоһулуур докумуон (баар буоллаҕына)

Хас сайабылыанньаны туттарыахха сөбүй?

Туттарсааччы 5-тэн элбэх сайабылыанньаны биэрбэт.

Быйылгы сылга уопсайа бары үөрэх хайысхатыгар 4154 бүддьүөт миэстэтэ көрүллүбүт. Ону тэҥэ, 1700-1800 төлөбүрдээх миэстэ көрүллүбүт.

Докумуоннары тутан бүтүү сүрүн болдьохторо: орто профессиональнай үөрэхтээһиҥҥэ — атырдьах ыйын 10-15 күннэрэ; бакалавриат, специалист — от ыйын 15-29 күннэрэ; магистратура, аспирантура — атырдьах ыйын 10 күнэ; ординатура  – атырдьах ыйын 5 күнэ.

Университет тэрийэн ыытар тургутуулара дистанционнай технологиялар көмөлөрүнэн ыытыллыахтара. Ол курдук, уопсай үөрэх үөрэхтээһин предметтэригэр тестэри MODLE платформаҕа киирэн толоруоххут, сэһэргэһии ZOOM платформаҕа ыытыллыаҕа.

Үөрэххэ киирии икки түһүмэҕинэн барыаҕа: от ыйын 30 күнүгэр — ураты бырааптаах, тургутуута суох киирээччилэр уонна тус сыаллаах миэстэлээхтэр испииһэктэрэ тахсыаҕа. Чопчу бу үөрэххэ киирэбин диир буоллаххына, сайабылыанньаны тутуу от ыйын 28 күнүгэр түмүктэнэр. Атырдьах ыйын 5 күнүгэр сүрүн түһүмэх испииһэгэ ыйаныа. Былырыын сүрүн испииһэк икки түһүмэхтээх эбит буоллаҕына, быйыл итиннэ биир эрэ күн бэриллэр. Сүрүн испииһэккэ киирбит абитуриент тус сайабылыанньатын атырдьах ыйын 3 күнүгэр диэри туттарар. Ол эрээри болдьохтор дойдуга эпидемиологическай быһыы-майгы туругуттан көрөн уларыйыахтарын сөп.

Ханна туттарсаргын билбэккин? Оччоҕо манна кытын

Бэс ыйын 11 күнүгэр Идэни урутаан бэлэмниир киин (ЦОПП) оскуоланы бүтэрээччилэргэ, кинилэр төрөппүттэригэр уонна учууталларга анаан «Абитуриент 2021: Поступай правильно!» онлайн хабааннаах тэрээһини ыытар.

Идэни урутаан бэлэмниир киин профориентологтара кыттыылаахтарга анаан интэриэһинэй бырагырааманы оҥордулар. Кыттааччылар 10.00 чаастан 18.00 чааска диэри СӨ орто профессиональнай үөрэхтээһинин тэрилтэлэрин исписэлиистэрин кытта 2021-2022 үөрэх дьылыгар араас тургутуулары, кэпсэтиилэри тэрийиэхтэрэ.

Ол курдук, бырагыраама сүрүн боппуруостара манныктар:

- Ханнык идэни баһылыыргын быһаарбатах буоллаххына тугу гынаҕын?

- Арассыыйаҕа үөрэх таһыма.

- Орто профессиональнай үөрэх тэрилтэлэригэр киирии уратылара.

- Онлайн докумуоннары туттарыы сервистэрэ уонна саайтара.

- Орто профессиональнай үөрэхтээһиҥҥэ ханнык идэлэр бааллар?

- Инники идэни таларга көмөлөһөр бырайыактар.

 

Тэрээһиннэр Идэни урутаан бэлэмниир киин Zoom уонна YouTube балаһааккаларыгар ыытыллыахтара. Кыттааччылар copp14.ru киирэн регистрацияны ааһаҕыт. Сиһилии билсэр төл.: 8(800)222-41-40,  8(924)460-22-60.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.