"Аҕа күнэ" онлайн бэстибээл ыытыллар

Быйыл аан маҥнайгытын бүтүн Арассыыйатааҕы “Аҕа күнэ” бэстибээл онлайн ыытыллар. Бу онлайн бырайыакка кыттан аҕалар дьиэ кэргэҥҥэ оруолларын, ыччакка холобур буолар кыахтаахтарын көрдөрүөхтэрэ.

Онлайн бэстибээл буолар түһүлгэтэ: https://многодетные-семьи.рф

Бэстибээлгэ «Супер папа» социальнай ситимнэргэ ( «Инстаграм», «Вконтакте», «Фейсбук», «Тик-ток», «Ютьюб») күрэх ыытыллар. «суперпапаРФ» хештегынан бэлиэтээн хаартыскалары, видеоматырыйааллары угаҕыт. Аҕаҕыт үтүө дьыала оҥорорун көрдөрүөхтээххит уонна  «Сказка о папе» диэн өйтөн суруйуулаах буолуохтаах.

Оҕолор аҕаларын тустарынан остуоруйаларын түмэр кинигэ тахсыаҕа.

Бэстибээл сүрүн хайысхалара: «Спортивнай Аҕа», «Музыкальнай Аҕа», «Кулинарнай аҕа», «Өйдөөх Аҕа», «Муодунай Аҕа», «Аҕалар рекордтара», «Оҕо эйгэтэ».

Тэрээһин порталыгар интерактивнай онлайн балаһааккаларга үҥкүү, ырыа, сулустар маастар-кылаастара, спорт уонна искусство баар буолуоҕа.

Күрэх түмүгэ бэс ыйын 20 күнүгэр тахсар. Кыттааччылары сыаналаах бириистэр күүтэллэр.