2022 сылга өрөмүөннэнэр уулуссалар

Олохтоох дьаһалта 2022 сылга ыытыллыахтаах суол өрөмүөнүн, саҥардан оҥоруутун, тутуутун уонна хапытаалынай өрөмүөнүн былаанын бигэргэттэ.  Испииһэккэ 34 км тахса уһуннаах 38 эбийиэк киирдэ. Ол иһигэр былааҥҥа Ленин проспегын, Каландаришвили, Федор Попов, Поярков, Ильменскай уонна Щорс күөлүн таһынааҕы курдук улахан ноҕуруускалаах куорат суоллара бааллар. 
Үлэ үбүлээһинэ, эмиэ урукку сылларга курдук, үс таһымнаах буолар – федеральнай, өрөспүүбүлүкэтээҕи уонна муниципальнай  бүддьүөттэртэн. Киин куоракка уулусса-суол ситимэ «Куттала суох, хаачыстыбалаах суоллар» национальнай бырайыак чэрчитинэн өрөмүөннэнэр. 
Хас биирдии эбийиэк оҥоһуллар болдьоҕун уонна үлэ хаачыстыбатын иһин,  муниципальнай сакаасчыт «Главстрой» МХТ кытта түһэрсиллибит хантыраак быһыытынан, бэдэрээтчит тэрилтэлэр эппиэттииллэр. Бүгүҥҥү күҥҥэ 21 эбийиэк бэдэрээтчигин кытта сөбүлэҥ түһэрсиллибит. Тутар-таҥар үлэ ыам ыйыгар саҕаланара уонна балаҕан ыйын 1 күнүгэр түмүктэнэрэ былааннанар, улахан эбийиэктэргэ – 2022 сыл алтынньы ыйын бүтэһигэр диэри.

*2022 сылга уулусса-суол ситимин тутуутун, саҥардан оҥоруутун, хапытаалынай өрөмүөнүн уонна өрөмүөнүн былаана*

Тутуу:
1. Хатас сэлиэньэтигэр элбэх оҕолоох ыаллар кыбаарталларыгар чугаһыыр суол;
2. "Звезднай" микрооройуонун «Воинская часть» кыбаарталыгар уулусса-суол ситимин тутуута.
Саҥардан оҥоруу:
3. Винокуров уулуссатыгар Ильменскай уулуссаттан Чайковскай уулуссатыгар диэри учаастакка;
4. Можайскай уулуссатыгар Пилоттар уулуссаларыттан Строд уулуссатыгар диэри учаастакка;
5. Кангалаас дьоҕус оройуонун Нагорнай уулуссатыгар.

Хапытаалынай өрөмүөн:
6. Пирогов уулуссатыгар Петр Алексеев уулуссатыттан Жорницкай уулуссатыгар диэри учаастакка;
7. Ленин проспегар Хабаров уулуссатыттан Краснояров уулуссатыгар диэри учаастакка;
8. Маяковскай уулуссатыгар Каландаришвили уулуссатыттан Широких-Полянскай уулуссатыгар диэри учаастакка;
9. Яков Потапов уулуссатыгар Кеша Алексеев уулуссатыттан «Гимеин» эргийэ барар суолга диэри учаастакка;
10. Бабушкин уулуссатыгар Сэбиэскэй Аармыйа 50 сыла уулуссаттан Очиченко уулуссатыгар диэри учаастакка;
11. Ильменскай уулуссатыгар Чайковскай уулуссатыттан Билибин уулуссатыгар диэри учаастакка;
12. Пионерскай уулуссатыгар;
13. Космонавтар уулуссаларыгар;
14. Труд уулуссатыгар;
15. Верхоянскай уулуссатыгар Дзержинскэй уулуссатыттан Халтурин уулуссатыгар диэри учаастакка;
16. Челюскин уулуссатыгар Сэбиэскэй Аармыйа 50 сыла уулуссаттан Беринг уулуссатыгар диэри учаастакка;
17. Киллэм сэлиэнньэтин Уваровскай уулуссатыгар;
18. Глухой переулокка;
19. Щорс күөлүн кытыытынааҕы уулуссаҕа;
20. Птицевод уулуссаҕа;
21. Хатас сэлиэнньэтин Октябрьскай уулуссатыгар;
22. Хатас сэлиэнньэтин Ленин уулуссатыгар;
23. Уустаах Избеков уулуссатыгар.

Өрөмүөн:
24. Очиченко уулуссатыгар Бестужев-Марлинскай уулуссатыттан 1-кы холуонньаҕа диэри учаастакка;
25. Билибин уулуссатыгар (2-с уочарат) Ильменскай уулуссаттан Сэргэлээхтиир шоссеҕа диэри учаастакка;
26. Каландаришвили уулуссатыгар Ленин проспегыттан Лермонтов уулуссатыгар диэри учаастакка;
27. Марха микрооройуон Мархинскай уулуссатыгар;
28. Табаҕа сэлиэнньэтин Каландаришвили уулуссатыгар;
29. Пригороднай сэлиэнньэтин Центральнай уулуссатыгар;
30. Федор Попов уулуссатыгар Богдан Чижик уулуссатыттан Энергетиктар  уулуссаларыгар диэри учаастакка;
31. Энергетиктар уулуссаларыгар Кальвица уулуссатыттан Федор Попов уулуссатыгар диэри учаастакка;
32. Мерзлотнай уулуссаҕа;
33. Речевой оскуолаҕа чугаһыыр суол (Эргэ Покровскайдыыр тракт уонна Николай Антонов уулуссаларыгар);
34. Тимирязев уулуссатыгар Дежнев уулуссатыттан оптуобус түмүк тохтобулугар диэри учаастакка;
35. Поярков уулуссатыгар Дзержинскэй уулуссатыттан Октябрьскай уулуссаҕа диэри учаастакка;
36. Авиатордар уулуссаларыгар;
37. Три сосны уулуссаҕа (2 учаастак);
38. Кардиологическай диспансерга чугаһыыр суол.