11, 8 тыһ. элбэх оҕолоох ыал сир учаастагын ылла

Үс уонна онтон элбэх оҕолоох ыаллартан сир учаастагын ыларга киирбит 27,6 тыһыынча сайабылыанньаттан 11 851 ыал ыра санаата номнуо туолбут, ол иһигэр 8 379 ыал ылбыт учаастагар чааһынай дьиэ туттар кыахтаммыт. 
Биллэрин курдук, үс уонна онтон элбэх оҕолоохторго бэриллэр сир учаастактарын инфраструктурата «Хаачыстыбалаах олорор дьиэнэн хааччыйыы» бырагыраама «Чааһынай дьиэни туттууну көҕүлүүр сыалтан сир учаастагын оҥоруу уонна сайыннарыы» бырагырааматынан оҥоһуллар. СӨ тутуу министиэристибэтин чахчытынан, бэриллибит 11 851 учаастактан улахан аҥаарыгар уот киирэн турар, ол курдук: 7 526 учаастакка уота тардыллыбыт, 3 547 учаастак – гаастаах. 
Бу сыалга өрөспүүбүлүкэ бүддьүөтүттэн муниципалитеттарга 2023 сылга 109 мөл. солк. кээмэйдээх субсидия бэриллибит, 2024 сылга 150 мөл. солк. тыырар былаан баар, диэн  СӨ Ил Дарханын уонна Бырабыыталыстыбатын пресс-сулууспата иһитиннэрэр. 

СИА хаартыската