08.03.2024 | 10:00

Юрий Пестерев турнирыгар сэргэх киирсиилэр

Юрий Пестерев турнирыгар сэргэх киирсиилэр
Ааптар: Баһылай ПОСЕЛЬСКАЙ
Бөлөххө киир

Боксаҕа Саха АССР биэс төгүллээх чөмпүйүөнэ Юрий Михайлович Пестерев кэриэһигэр өрөспүүбүлүкэ XXIII-с турнира М.К. Аммосов аатынан ХИФУ физическэй иитиигэ кафедрата төрүттэммитэ 75 сылын үбүлүөйдээх дьаһалларын чэрчитинэн университет аһаҕас чемпионатын быһыытынан тэрилиннэ. Турнир  таһыма сыллата үрдээн, Арассыыйа күрэхтэһиилэрин халандаарыгар киллэрилиннэ.

Олунньу 28 – кулун тутар 2 күннэригэр “Юность” стадион боксаҕа саалатыгар өрөспүүбүлүкэ улуустарын уонна куораттарын боксердара түмсэннэр, бу күннээххэ ким ордук бэлэмнээҕин, күүстээҕин быһаарыстылар. Турнир сыала-соруга күүһү-кыаҕы көрүнүүгэ, бара турар үлэни ырыҥалааһыҥҥа, кулун тутар бүтүүтүгэр Мииринэйгэ буолар Арсен Петров кэриэһигэр Саха сирин чемпионатыгар, муус устарга күүтүллэр Уһук Илин чемпионатыгар, онтон салгыы Сочига дойду сүүмэрдэммит хамаандатын эрчиллэр-бэлэмнэнэр түмсүүтүгэр, Арассыыйа чемпионатыгар кыттыыга сүүмэрдээһиҥҥэ туһуланна. Ити туһунан Саха Өрөспүүбүлүкэтин сүүмэрдэммит хамаандатын сүүрүн тренерэ Владимир Павлов иһитиннэрдэ.

Эдэр боксердар үчүгэй бэлэмнээхтэрин көрдөрдүлэр. Арассыыйа призердара, Бүтүн Арассыыйатааҕы турнирдар, Уһук Илин күрэхтэһиилэрин кыайыылаахтара, призердара, Саха Өрөспүүбүлүкэтин чөмпүйүөннэрэ, призердара, спорт маастардара, маастарга хандьыдааттар сэргэх, сытыы киирсиилэри көрдөрдүлэр. Үрдүк техникалаах спорт маастардара чочуллубут охсууларынан күрэхтэһиини киэргэттилэр.

Түөрт күннээх киирсиилэр түмүктэринэн 17-18 саастаах уолаттарга 48 кг  Максим Припузов (ОЭУ-Хаҥалас), 51 кг Павел Фролов  (ОЭУ-Ленскэй), 54 кг  Станислав Слепцов (ОЭУ), 57 кг Александр Сергучев (МэҥэХаҥалас), 60 кг Дмитрий Левин  (ОЭУ-Дьокуускай), 63,5 кг  Альберт Павлов (Бүлүү), 67 кг  Данил Сурков (Сунтаар), 71 кг Андрей Портнягин  (ОЭУ-Уус Алдан), 75 кг Евгений Саввинов  (ОЭУ-Дьокуускай), 80 кг  Виктор Чирков (Бүлүү), 86 кг Дмитрий Тарасов (Нерюнгри); кыргыттарга 50 кг  Валерия Леонтьева (ХИФУ), 52 кг  Ая Стручкова (ХИФУ-Мэҥэ Хаҥалас), 81 кг  Анастасия Морохоева (ХИФУ); эр дьоҥҥо 51 кг Павел Васильев  (ХИФУ-Уус Алдан), 54 кг Александр Лотов  (Б/к «Reek-a-boo»), 57 кг Антон Копырин (ХИФУ-Уус Алдан), 60 кг  Дьулустаан Иванов (ХИФУ-Өлүөхүмэ), 63,5 кг Владимир Семенов (ХИФУ-Сунтаар), 67 кг Прокопий Яковлев (ЦСП “Триумф”), 71 кг Андрей Дмитриев (Сунтаар), 75 кг Никита Малгин, 80 кг Игорь Никифоров (ЦСП “Триумф”-Өлөөн), 86 кг Яков Седалищев (ХИФУ-Бүлүү), +86 кг Михаил Степанов (Чурапчы) кыайыылары ситистилэр.

Өрөспүүбүлүкэ бокска салайааччыларын, тренердэрин сэргэ Ю.М. Пестерев кэргэнэ Мария Агапьевна Пестерева, уола Михаил Юрьевич Пестерев, боксанан бииргэ дьарыктаммыт доҕоро, СГУ хас да төгүллээх уонна “Спартак”, “Трудовые резервы” чөмпүйүөнэ, ССРС маастарыгар хандьыдаат, “Сахабулт” ХЭТ гендириэктэрэ Никифор Николаевич Петров наҕараадалары туттардылар. Юрий Пестерев  киирсэ сылдьыбыт 63,5 кг кыайыылааҕар Владимир Семенов уонна “Турнир бастыҥ боксера” Павел Васильев, итиэннэ сэргэх киирсиилэри көрдөрбүт боксердар харчынан бириистэринэн биһирэннилэр.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...