Ыттары иитии быраабылатын тутуһуҥ
Дьиэ кыылларыттан дьоҥҥо, ордук оҕо аймахха, куттал суоһаабатын туһугар кыыллары иитэр дьон кэккэ быраабылалары тутуһаллара сокуонунан ирдэнэр.
Саха сиригэр ыттары, куоскалары уонна экзотическай кыыллары иитиигэ олохтоммут быраабылалар бааллар. 27.12.2018 ылыныллыбыт 498 №-дээх Федеральнай сокуон 13 ыст., 4-6 пуунугар олоҕуран, (ред. 27.12.2019 с.), дьиэ кыылларын күүлэйдэтии дьон олоҕор, бас билиитигэр кутталы үөскэтиэ суохтаах.
Дьиэ кыылын дьаарбатарга, көрбөт дьону сирдиир ыттартан ураты кыылларга, маннык быраабыла тутуһуллуохтаах:
- айан суолугар, лифт уонна подьезд иһигэр, уопсай тиэргэҥҥэ, спортивнай уонна оҕо балаһааккаларыгар босхо ыытыы бобуулаах.
- Ыт тахсан киирбитин кэннэ хомуйуохтааххыт.
- Олохтоох бэйэни салайыныы ыттары күүлэйдэтэргэ анаабыт сиригэр эрэ сылдьыахтааххыт.
Дьон олоҕор кутталы үөскэтэр кыылы уопсастыбаннай сиргэ томторуга, быата суох таһырдьа көҥүл таһаарар бобуулаах. Бэйэҕит бас билэр сабыылаах территорияҕытыгар ыытыаххытын сөп. Онуоха бу тиэргэҥҥэ ыт баарын туһунан иһитиннэриини хайаан да ыйыахтааххыт.
Сонуннар
Ордук ааҕаллар
