Ырыа куттаах дьиэ кэргэннэр 1 мөл. солк. сүүйүөхтэрин сөп

Ыам ыйын 31 күнүгэр диэри Арассыыйаҕа Дьиэ кэргэн сылынан «Родники» патриотическай ырыа бырайыагын «Вместе. Музыкальная семья года по версии «Родников» диэн 1 мөл. солк. сүрүн бириистээх дьиэ кэргэн күрэҕэр сайаапкалары күүтэллэр. 

Күрэххэ кыттарга дьиэ кэргэнинэн ырыалары устуулаах 7 мүнүүтэттэн ордуга суох уһуннаах киинэ ирдэнэр.
Бэс ыйын 1 - 15 күннэригэр дьүүллүүр сүбэ 7 бастыҥ киинэни талан, бэс ыйын 16 күнүгэр «Родники» саайтыгар угар. Күрэх финала Москваҕа от ыйын 8 күнүгэр ыытыллар. 7 бастыҥ ырыа куттаах ыал киинэҕэ киллэрбит ырыалара онлайн-трансляциялаах кэнсиэргэ кыттар. 
Сайаапканы күрэх официальнай саайтыгар күүтэллэр:
https://xn--d1aiahnen.xn--d1acj3b/
Бэлиэтээн эттэххэ, бырайыак салайааччытынан уонна көҕүлээччитинэн Арассыыйа норуотун артыыһа Олег Газманов буолар, диэн иһитиннэрэр Ил Дархан уонна Бырабыыталыстыба пресс-сулууспата.