03.10.2020 | 12:41

ЫККЫТ, КУОСКАҔЫТ РЕГИСТРАЦИЯЛААХ ДУО?

ЫККЫТ, КУОСКАҔЫТ РЕГИСТРАЦИЯЛААХ ДУО?
Ааптар: Киин Куорат

От ыйыгар Дьокуускай дьаһалтата дьиэ кыылларын иитиигэ, көрүүгэ-истиигэ, хаһаайыттарга сүктэриллэр эбээһинэстэри чуолкайдыыр кэккэ быраабылалары олохтообута.

Бастатан туран, кыыллары бас билээччилэр, бэйдиэ сылдьар кыыл ахсаана элбээбэтин туһугар, бэйэлэрин иитэр кыылларыттан кэлэр төрүөҕү хонтуруоллуохтаахтар. Маны тэҥэ кыылы иитэр киһи атын дьоҥҥо, кыылларга куттал суох буолуутун хааччыйыахтаах. Кыыллар уопсай дьиэлэр подъезтарын, кирилиэстэри, сквердэри, уулуссалары уонна тиэргэннэри киртитиэ суохтаахтар.

Дьокуускай куорат сиригэр-уотугар ханнык баҕарар кыылы босхо ыытан кэбиһэр бобуллар. Кыылы салгыы иитиэн баҕарбат киһи приюкка туттарыахтаах эбэтэр атын хаһаайыттары булуохтаах.

Хаһаайыттар дьиэ кыылларын барыларын булгуччу регистрациялыахтаахтар. Ол аата хас биирдии ыкка уонна  куоскаҕа идентификационнай нүөмэр иҥэриллэр, чип кэтэрдиллэр. Регистрацияны Дьокуускай куорат ветеринарияҕа управлениетыгар ааһаҕыт.

Регистрацияттан куотунуу түмүгэр, Саха сирин административнай буруйу оҥорууларын кодексатын 5.3. ыстатыйатыгар олоҕуран, административнай эппиэтинэскэ тардыллыахха сөп (1000-1500 солк).

Кыыл олорор сирэ уларыйдаҕына  эбэтэр өллөҕүнэ бэтэринээринэй тэрилтэҕэ хайаан да биллэриллиэхтээх.

Харабыл ыттаах тэрилтэлэр эмиэ кыылларын регистрациялыыллара булгуччулаах. Ыттара тэрилтэ территориятыттан тахсыбакка сылдьарын хааччыйар эбээһинэстэнэллэр.

Бу быраабылалар барыта 2020 сыл тохсунньу 1-гы күнүттэн “Кыылларга эппиэтинэстээх сыһыан” федеральнай сокуоҥҥа олоҕуран оҥоһулуннулар.

РЕГИСТРАЦИЯНЫ ХАННА ОҤОТТОРОБУТ?

Дьокуускайга ветеринарнай регистрацияны Чехов уул. 66-гар баар ветлечебницаҕа эрэ оҥороллор. Төл. 35-32-78.

 Чип кыыл тириитигэр киллэриллэр (подкожно), сыаната – 80 солк.

Урут хаһан да пааспардамматах, прививкаламматах кыыл буоллаҕына, бастаан регистрацияны ааһар (80 солк.), пааспар оҥоһуллар (50 солк.), онтон ханнык быһыы (прививка) наадатынан көрөн туруоруллар (быһыы көрүҥүттэн көрөн, сыаната туспа). Ол эрэ кэннэ чип кэтэрдиллэр.

ЫТЫ БОСХО ЫЫТЫЫ ЫСТАРААБА 5000 СОЛК.

Дьокуускайга ыты босхо ыытан кэбиһэр бобуулаах. Ыккытын босхо ыытан кэбиспиккит “самовыгул” дэнэр уонна сокуону кэһиигэ тэҥнэһэр, тутулуннаҕына – ыстараап.

Администартивнай буруйу оҥоруу кодексатыгар ыт кутталлаах боруодатын наморднига уонна быата суох күүлэйдэтии иһин ыстараап – 3-5 тыһ. солк.

Регистрацията суох кыыл ыстарааба - 1000-1500 солк.

Босхо сылдьар ыты “Жилкомсервис” исписэлиистэрэ тутан приюкка илдьэллэр. Хаһаайын ытын төттөрү ыларыгар хас хонук тутуллубуттан саҕалаан, тиэйии ороскуотун барытын толуйуохтаах.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Сонуннар | 21.06.2022 | 17:49
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Буолар сирэ: «Үс Хатыҥ» этнографическай комплекс Ыытыллар күнэ-дьыла: 2022 сыл, бэс ыйын 25-26 күннэрэ
Виктория Азизова:  «Бизнес атаҕар турара бэйэҕиттэн тутулуктаах»
Дьон | 16.06.2022 | 17:00
Виктория Азизова: «Бизнес атаҕар турара бэйэҕиттэн тутулуктаах»
Билигин Саха сиригэр урбаан эйгэтэ тэтимнээхтик сайдар. Сыллата саҥа сүүрээннэр, саҥа кыахтар киирэн иһэллэр. Урукку урбаанньыттар сүрүннээн Саха сиригэр эрэ үлэлиир буоллахтарына, билигин Арассыыйа таһымыгар, омук сирдэригэр кытта таҕыстылар.  Бүгүн мин эһиэхэ эдэр предприниматель Виктория Азизованы билиһиннэриэхпин баҕарабын.   Оҕо сааһыттан урбаан эйгэтин сэргиирэ Вика Аммаҕа төрөөбүт гынан баран, Алдан улууһун...