«Үйэлээх полк» аахсыйаҕа хайдах кыттыахха сөбүй?
«Үйэлээх полк» норуот сэҥээриитин ылбыт аахсыйа быйыл онлайн ыытыллар. Маннык түгэҥҥэ аахсыйаҕа хайдах кыттан, Кыайыыны уһансыбыт эһэлэрбит, эбэлэрбит сырдык ааттарын кэриэстээн ааһыахха сөбүй? Бу ыйытыы элбэх киһини долгутар.
- Мэтириэти массыына кэннинээҕи аанын эбэтэр түннүгүн тааһыгар туруоруохха сөп;
- Дьоруой мэтириэтин футболкаҕа, толстовкаҕа, атын даҕаны тас таҥаска оҥорторуохха сөп;
- Бейдж оҥорторон, онно сыһыарыахха сөп.
«Үйэлээх полк» аахсыйа онлайн көрүҥэр кыттарга аахсыйа саайтыгар бэтэрээн хаартыскатын угуохха наада. Киирбит хаартыскалары саайт ыам ыйын 9 күнүгэр видеоаккырыыккаҕа көрдөрүөҕэ. Мэтириэттэр биир-биир улаатан иһэллэр, онон хас биирдии бэтэрээни үчүгэйдик көрүөххэ сөп. Хаартыска саайт поисковигар бэтэрээн аатын суруйдахха эмиэ тахсар.
Бу туһунан кэллиэгэбит, СИА кэрэспэдьиэнэ Анна Лебединская Саха Өрөспүүбүлүкэтин Уопсастыбаннай палаататын бэрэссэдээтэлэ Николай Бугаевы кытта кэпсэтэн суруйбут.
Фото: Мария Васильева, СИА
Сонуннар
Ордук ааҕаллар
