17.03.2023 | 14:00

Ыччат хаар ыраастааһыныгар көмөлөһөр

Кулун тутар 16 күнүгэр, хомунаалынай сулууспа үлэһиттэрин сэргэ, хаары ыраастааһыҥҥа ыччат көмөҕө кэллэ диэн иһитиннэрдэ Олохтоох дьаһалта пресс-сулууспата.
Ыччат хаар ыраастааһыныгар көмөлөһөр
Ааптар: Киин Куорат
Бөлөххө киир

Көхтөөх ыччат кэккэтигэр – М.К. Аммосов аатынан ХИФУ устудьуоннар уопсайдарын сэбиэтин, норуодунай дружиналарын, өрөспүүбүлүкэ устудьуоннарын этэрээттэрин бэрэстэбиитэллэрэ,  улуустар ыччаттарын түмсүүлэрэ уонна волонтердар бааллар.

Саха сирин устудьуоннарын этэрээттэрин регионнааҕы штабын салайааччыта Айсен Соловьев бэлиэтээбитинэн, тэриллиилэр көхтөөх бэрэстэбиитэллэрэ Ил Дархан Айсен Николаевы өйүүр «За НАС! За ПОБЕДУ!» ыччат десанын чилиэннэрэ.

«Быйыл наһаа элбэх хаар түспүтүн көрөн куоракка көмөлөһөргө быһаарынныбыт. Бүгүн Киин уонна Октябрьскай уокуруктар хаардарын ыраастыыбыт, сүүсчэ буолан үлэлиибит. «За НАС! За ПОБЕДУ!» десаммыт бу саас устата кырдьаҕастарга, көмөҕө наадыйар дьоҥҥо, итиэннэ анал байыаннай эпэрээссийэ кыттыылаахтарын дьиэ кэргэттэригэр аадырыстаах көмөнү оҥоруоҕа. Сомоҕолоһон үлэлииргэ уонна көмөлөһөргө бэлэммит!», - диэтэ Айсен Соловьев.

Олохтоох дьаһалта ыччат политикатыгар салаатын начаалынньыга Андрей Михайлов иһитиннэрбитинэн, үлэ саҕаланыан иннинэ, куттал суоһаабатын курдук, инструктаж ыытылынна.

«Ыччаппыт олоххо көхтөөх позициялааҕа уонна куоракка көмөлөһө сатыыра үөрүүлээх. Уолаттар иллэрээ күн бэйэлэрэ этии киллэрдилэр. Бэйэбит даҕаны туора турбатыбыт, үлэлэһэ сылдьабыт. Биһигини кытта «Лига молодежи», «Город добра» уопсастыбаннай тэриллиилэр бэрэстэбиитэллэрэ уонна Дьокуускай Уопсастыбаннай сибээстэргэ уонна ыччат политикатыгар упралениетын волонтерскай куорпуһа үлэлэһэллэр. Дьокуускай күүһэ – ыччат сомоҕолоһуутугар!», - диэтэ Андрей Михайлов.

Дьокуускайдааҕы УГМС дааннайдарынан, быйыл киин куоракка муҥутуур көрдөрүүлээх халыҥ хаар түстэ – 56 см.

Сонуннар

Ордук ааҕаллар

Үлэ олоҕу киэргэтэр, дьарык киһини сайыннарар
Дьон | 14.09.2023 | 12:00
Үлэ олоҕу киэргэтэр, дьарык киһини сайыннарар
Быйыл Таатта нэһилиэгин олохтоохторо, үлэни өрө туппут Екатерина, Михаил Бурнашевтар ыал буолбуттара үйэ аҥаара буолла. Хаһыат бүгүҥҥү нүөмэригэр дьиэ кэргэн истиҥ ийэтин, эйэҕэс эбэтин кытта сэһэргэһиибитин ааҕыҥ.
Дария Маркова:  «Сахам омуга кэтит кэскиллэниэ, уһун тускулланыа»
Дьон | 20.09.2023 | 18:00
Дария Маркова: «Сахам омуга кэтит кэскиллэниэ, уһун тускулланыа»
Туһунан, ураты өйдөөх-санаалаах, кэскиллээх, инникигэ эрэллээх, дойдум туһа диэн көмөҕө инники күөҥҥэ сылдьар ыччат, эдэр дьон баалларыттан киһи эрэ үөрэр, санаата көтөҕүллэр. Үгүс киһи билиҥҥи ыччаты мөҕөр-этэр да, тулабытын көрүннэххэ, дойдубутун тутан хаалыах, чөл толкуйдаах, булугас өйдөөх, күүстээх санаалаах оҕолорбут элбэхтэр эбээт. Мин биир оннук эдэр киһини, “Аламай” аһымал пуонда...
Грипп уонна ОРВИ ыарыыларын утары сэрэтэр миэрэлэри дьүүллэстилэр
Сонуннар | 15.09.2023 | 13:00
Грипп уонна ОРВИ ыарыыларын утары сэрэтэр миэрэлэри дьүүллэстилэр
Куорат баһылыгын социальнай боппуруостарга солбуйааччы Наталья Степанова Олохтоох дьаһалта санитарнай-эпидемиологическэй хамыыһыйатын мунньаҕын ыытта диэн Олохтоох дьаһалта пресс-сулууспата иһитиннэрдэ.
Йога олоҕу уларытар күүһэ
Дьон | 15.09.2023 | 12:00
Йога олоҕу уларытар күүһэ
Аныгы балысхан сайдыылаах үйэҕэ туох барыта көрүөх бэтэрээ өттүгэр уларыйар-тэлэрийэр. Тас эйгэ дьайыытыгар баһыйтаран, бириэмэ сырсыытыгар сылдьан, сорох киһи бэйэтин көрүммэт, онтон сылтаан ис туруга ыһыллар, ыарыыга түргэнник бэринэр.