Ыччат дьаһалтата Уопсастыбаннай палаатаны кытта көрүстэ
Бу күннэргэ Ыччат дьаһалтата Уопсастыбаннай палаатаны кытта көрүстэ диэн Олохтоох дьаһалта Уопсастыбаннай сибээстэргэ уонна ыччат политикатыгар управлениета иһитиннэрдэ.
Көрсүһүүгэ Дьокуускай куорат уокуругар итирдэр утаҕа суох чөл олоххо тула боппуруостары дьүүллэстилэр. Уопсастыбаннай палаата бэрэссэдээтэлэ Матвей Лыткин Ыччат дьаһалтатын чилиэннэрин ыытыллар рейдэлэргэ кытталларыгар ыҥырда.
Көрсүһүү кыттыылаахтара икки өттүттэн тупсаран оҥорууга, ыччат политикатыгар уонна доруобуйа харыстабылыгар сыһыаннаах этиилэри киллэрдилэр.
Олохтоох дьаһалта иһинэн үлэлиир Ыччат дьаһалтата Уопсастыбаннай палаата бэрэссэдээтэлэ Матвей Лыткиҥҥа, палаата чилиэннэригэр таһаарыылаах үлэлэрин иһин махталын уонна салгыы бииргэ үлэлэһэргэ эрэлин биллэрдэ.
Сонуннар
Ордук ааҕаллар



