28.02.2022 | 14:00

ЫБММ сулууспаларыгар саҥа тиэхиньикэ кэллэ

ЫБММ сулууспаларыгар саҥа тиэхиньикэ кэллэ
Ааптар: Киин Куорат

Саха сиригэр 20 араас тиэхиньикэ баһаарынай уонна саахалтан быыһыыр үлэлэргэ кэллэ: 10 баһаарынай КАМаз баазалаах автоцистерна уонна 10 саахалтан быыһыыр массыына. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.
Саҥа тиэхиньикэ күлүүстэрин үөрүүлээх быһыыга-майгыга Судаарыстыбаннай баһаары утары уонна быыһыыр Сулууспалар улуустааҕы уонна куораттааҕы салааларын бэрэстэбиитэллэригэр вице-премьер Дмитрий Садовников уонна нэһилиэнньэҕэ куттал суоһаабатын хааччыйар Судаарыстыбаннай кэмитиэт бэрэссэдээтэлэ Дмитрий Лепчиков туттардылар.
«Баһаары утары уонна быыһыыр Сулууспалар модун күүстээх структуралар, итиннэ тыһыынчанан уоту кытта охсуһааччылар уонна быыһааччылар бааллар. Суукка ханнык баҕарар кэмигэр, хайдах баҕарар халлааҥҥа эһиги эмсэҕэлээбиттэргэ көмөҕө кэлэҕит, уоттан көмүскүүгүт. Күүстээх эр санааҕыт, хорсун быһыыларгыт иһин махтанабын. Бүгүн эһиги ыарахан үлэҕитигэр, ол иһигэр ойуур баһаардарын умуруораргытыгар күүс-көмө, тирэх буолар тиэхиньикэ күлүүстэрин туттарарбыттан үөрэбин», – диэтэ  бырабыыталыстыба бэрэссэдээтэлин бастакы солбуйааччы баһаарынайдарга туһаайан. 
Саахалтан быыһыыр 10 массыына күлүүһүн быыһыыр Сулууспалар салааларыгар – Халыматааҕы, Бүлүүтээҕи, Ленскэйдээҕи, Нерюнгритааҕы, Үөһээ Дьааҥытааҕы уонна Дьокуускай куораттааҕы быыһыыр этэрээттэргэ туттардылар. Итини кытта 10 баһаарынай автоцистерна күлүүстэрин – ГПС Анаабырдааҕы, Аллайыахатааҕы, Мэҥэ Хаҥаластааҕы, Намнааҕы, Усуйаанатааҕы, Хаҥаластааҕы уонна Дьокуускай куораттааҕы салаалара туттулар.


Садовников иһитиннэрбитинэн, тиэхиньикэни былырыын өрөспүүбүлүкэ баһылыга Айсен Николаев сорудаҕынан атыыласпыттар. Ол курдук, нэһилиэнньэҕэ куттал суоһаабатын хааччыйар сыаллаах судаарыстыбаннай бырагыраама чэрчитинэн 563 мөлүйүөн солкуобай суумаҕа 45 тиэхиньикэ ылыллыбыт. Хаалбыт 25-һэ Саха сиригэр муус устар ыйга диэри кэлиэхтээх. 
Кэмитиэт баһылыга Дмитрий Лепчиков чуолкайдаабытынан, Саха сиригэр ГПС 153 территориальнай салаата үлэлиир, итинтэн 47 баһаарынай чаас уонна 106 аҕыйах ахсааннаах чаастар. Кинилэр 405185 киһилээх 228 нэһилиэнньэлээх пууну көрөллөр-истэллэр. Күн аайы төгүрүк суукканан дьуһуурустубаҕа 491 киһи уонна 330 тиэхиньикэ тахсар. 
 Быыһыыр Сулууспа филиаллара алта оройуоҥҥа бааллара этилиннэ – Алдаҥҥа, Нерюнгрига, Ленскайга, Орто Халымаҕа, Ньурбаҕа уонна Үөһээ Бүлүүгэ. Лепчиков  эппитинэн, быйыл Таатта, Үөһээ Дьааҥы улуустарыгар этэрээттэр тэриллиэхтэрэ.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...