Ыам ыйынан аспаал өрөмүөнүн түмүктүүр кытаанах сорук турар

Уулусса-суол ситимэ бытархай алдьаныытын өрөмүөннээһин үлэтэ киин куоракка ыам ыйын саҥатыттан саҕаламмыта. Бүгүҥҥү күҥҥэ былаан 63,5% туолан турар.
Хабаров, Быковскай, Гагарин, Богатырев, Дзержинскэй, Богдан Чижик уулуссалара, Роман Дмитриев аатынан кытыл уонна Сэргэлээх шоссетыгар үлэ бүтэн тураллар. Ойуунускай, Лермонтов, Сэбиэскэй Аармыйа 50 сыла уулуссаларга үлэ бара турар. Аҕыйах хонугунан Дежнев уулуссатыгар тахсыахтара, диэн иһитиннэрэр «Куорат хаһаайыстыбатын үлэлэтэр сулууспа» МХТ.
12 уулуссаҕа 7 тыһ. кв/м иэннээх алдьаныылаах учаастактарга «дьаама өрөмүөнэ» ыам ыйыгар оҥоһуллан бүтүөхтээх. 
Бэлиэтээн эттэххэ, «дьаама өрөмүөнэ» диэн алдьаммыт учаастактары итии аспаал кутан абырахтыыр үлэ бэдэрээтчиттэринэн «Якутдорстрой» АУо, «Сэттэ» ДРСУ, «Дороги Саха» САУо, «Сахатрасстрой» ХЭТ, «Автодор» РИК АУо буолаллар.