Ыам ыйын 1 күнүттэн сайыҥҥы лааҕырга суруйтарыы саҕаланар

Ыам ыйын 1 күнүттэн Дьокуускай куораттааҕы муниципальнай сайыҥҥы оҕо сынньалаҥ лааҕырдарыгар суруйтарыы саҕаланар. Быйылгыттан лааҕырга суруйтарыы саҥа көрүҥүнэн – Госуслуги портал нөҥүө оҥоһуллар.
Ол эбэтэр оҕону сайыҥҥы сынньалаҥ лааҕырыгар икки ньыманан суруйтарыахха сөп:
- электроннай көрүҥүнэн - gosuslugi.ru портал нөҥүө;
- Үөрэх тэрилтэтигэр бэйэтигэр тиийэн.
Сайыҥҥы оҕо лааҕырыгар 6,5 саастарыттан 17-гэр диэри саастаах Дьокуускай куорат территориятыгар олорор оҕолор сылдьар кыахтаахтар. 
Быйыл сайын Дьокуускай куорат территориятыгар 49 муниципальнай лааҕыр үлэлиэҕэ:
– Үөрэх кыһатын базатыгар 40 күнүскү лааҕыр;
–  5 куорат таһынааҕы хонуктаах лааҕыр («Спутник», «Радуга», «Каландаришвили», «Бинго», «Родничок»);
–  2 үлэ уонна сынньалаҥ лааҕыра;
–  2 балаакканан хоно сытар лааҕыр.
Оҕолору сайыҥҥы лааҕырга суруйтарарга төрөппүттэр (сокуоннай бэрэстэбиитэллэр) туттарар докумуоннара:
–  Төрөппүт (сокуоннай бэрэстэбиитэл) сайабылыанньата;
–  Сайабылыанньа биэрээччи докумуонун (пааспарын) куоппуйата;
–  Оҕо төрөөбүтүн туһунан туоһу сурук (14 сааһын туолбут буоллаҕына - пааспарын) куоппуйата;
–  Оҕо сынньалаҥар уонна чэбдигирдиитигэр оҥоһуллар өҥө дуогабара;
–  Оҕо доруобуйатын туругун туһунан ыспыраапка (0/79у №-дээх); 
–  Эпидемиологическэй ыспыраапка (3 күн болдьохтоох); 
–  Оһол-дэҥ түбэлтэтиттэн страховка; 
–  Төрөппүттэр (сокуоннай бэрэстэбиитэллэр) оҕо тус дааннайдарын обработкалыырга сөбүлэҥнэрэ. 
Ыйытыылары Үөрэх управлениетын иитиигэ уонна эбии үөрэхтээһиҥҥэ салаатыгар биэриэххитин сөп, төлөпүөн нүөмэрэ:   8 (4112) 40-03-45
Бэлиэтээн эттэххэ, ааспыт сылга Дьокуускай куоракка 45 мунициальнай лааҕыр үлэлээбитэ, ол иһигэр: уопсай уонна эбии үөрэхтээһин тэрилтэлэрин базаларыгар 38 күнүскү лааҕыр, 5 куорат таһынааҕы стационарнай чэбдигирдэр лааҕыр, 2 үлэ уонна сынньалаҥ лааҕыра, 2 балаакканан сынньанар лааҕыр.