«Якутия – твоя сила духа» табаар бэлиэтэ регистрацияланна

Саха сирин маастардарын оҥоһуктарын бренд оҥорууга үлэ ситиһиилээхтик ыытыллар. Ол курдук, сувенирдар мантан антах «Якутия – твоя сила духа» официальнай табаар бэлиэлээх буолуохтара.

СӨ Туризмы сайыннарыыга уонна территориальнай маркетиҥҥа агентствота бүгүҥҥү күҥҥэ регистрациялаах табаардар базаларын, табаары, бородууксуйаны РФ сокуонугар сөп түбэһэр бренд оҥорор, национальнай бреннэри көмүскүүр киэҥ хабааннаах үлэни ыытар, ол иһигэр «Кэрэ» ательены уонна «Айар» кинигэ кыһатын кытта сөбүлэҥнэри түһэристэ, диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.