«Якутия» авиахампаанньаҕа чэпчэтиилээх билиэтинэн көтүү болдьоҕо уһатылынна

«Якутия» авиахампаанньа Уһук Илин олохтоохторугар алтынньы 10 күнүттэн сэтинньи 30 күнүгэр диэри чэпчэтиилээх билиэтинэн көтүү болдьоҕун уһатта диэн авиахампаанньа пресс-сулууспата иһитиннэрдэ. 

Хайысхаларынан билиэт сыаната: Дьокуускай – Москва, 10 000 солк.; Дьокуускай – Новосибирскай, 10 000 солк.: Новосибирскай – Нерюнгри, 9 000 солк.

Иһитиннэриигэ этиллибитинэн, «Якутия» авиахампаанньа чэпчэтиилээх билиэтинэн Уһук Илиҥҥи уокурук регионнарыгар пропискалаах гражданнар туһанар бырааптаахтар. 2 сааһын туола илик оҕо (туспа миэстэтэ суох) босхо көтөр. Оттон 2-тэн 12-гэр диэри саастаах оҕо 25 %-наах чэпчэтиилээх билиэти туһанар кыахтаах.

Билсэр  төлөпүөн нүөмэрэ 8 800 700 2190 эбэтэр e-mail: info@yakutia.aero.