22.06.2023 | 18:00

Ыһыахха тугу кэтэн барабыт?

Бу өрөбүллэргэ Үс Хатыҥҥа Туймаада ыһыаҕа ыытыллыаҕа. Куорат сахата бары даҕаны ыһыахха бэлэмнэнии сүпсүлгэнигэр сылдьара буолуо. Дьэ, ким тугу кэтэн, таҥнан-симэнэн барара сыл ахсын улахан боппуруос, ордук эдэр ыччакка. Онон, сахалыы таҥас тула ыччат дьону кытта кэпсэттибит.
Ыһыахха тугу кэтэн барабыт?
Ааптар: Айталина Софронова
Бөлөххө киир

Сахалыы таҥас тоҕо наһаа сыаналааҕый?

Сылтан сыл саха таҥаһын сыаната, киэргэлбит-симэхпит чэпчиэхтээҕэр ыарыы эрэ турар. Онон ыһыахха баран алгыс ылыан баҕарар да киһи таҥаһа суоҕуттан кыбыстара – олоххо баар көстүү. Кэнэҕэһин кэнэҕэс ыһыахха баай эрэ дьон сылдьыаҕа диэтэххэ, саныахха ыарахан. Оттон билигин саастаах өттө сахалыы таҥаһа да суох ыһыахтыан сөп буоллаҕына, ыччат дьоҥҥо таҥас, ыһыахха эрэ буолбатах, ханнык баҕар бырааһынньыкка, тэрээһиҥҥэ, ханнык да үйэҕэ быһаарар оруолу ылар.

Санаан да көрдөххө, биһиги халадаайбытын, кыл сэлээппэбитин атын омуктар тикпэттэр, кэппэттэр, онон бэйэбитигэр тиктэр таҥаспыт, оҥостор киэргэлбит сыанатын нэһилиэнньэ кыаҕын иһинэн, судаарыстыбаттан субсидия да көрөн, хонтуруоллуохха сөп этэ.

Артем, 19 саастаах:

Мин сахалыы таҥаһым суох, ол эрээри син биир ыһыахтыыр санаалаахпын. Холобура, соторутааҕыта сахалыы суруктаах ырбаахы ылыммыппын кэтиэм.

Сардаана, 21 саастаах:

Ыһыахтыыр баҕа хара баһаам! Биир биллэр дизайнерга сакаастаан тиктэрбит халадаайбын кэтээри ыһыаҕы күүтэбин да күүтэбин!

Сахаайа, 25 саастаах:

Саха таҥаһа наһаа ыарахан сыаналаах дии! Ол иһин баччааҥҥа диэри ылына иликпин. Дьиҥэр, хас биирдии сахабын дэнэр киһиэхэ баар буолуохтаах дии саныыбын. Хата, бэс ыйын 24 күнүгэр үлэлиир буоламмын, киэһэ оруобуна халлаан сөрүүдүйүүтэ сахалыы истииллээх, оһуордаах-мандардаах ичигэс спортивнай көстүүмнээхпин кэтэн киириэм.

Юрий, 28 саастаах:

Сахалыы таҥаһым суох. Урут устудьуоннуу сылдьан тиктэрбит камзолбун кэтэр былааннаахпын.

Алина, 24 саастаах:

Хомойуох иһин, сахалыы таҥас диэн миэхэ суох. Тугу кэтэн барарбын бу диэн билбэппин.

Виолетта, 19 саастах:

Сахалыы таҥаһым суох, онон ыһыахтыы барбаппын. Мин эрэ сахалыы таҥаһа суох үрүҥ тураах, дьонтон итэҕэс курдук сылдьыам дуо, ыһыахтаабатах ордук.

Бохо-истиил

Бэйэҥ уратыгын биллэриэххин баҕарар буоллаххына, бохо истииллээх таҥаһы кэтэн бар. Бу муода сыл ахсын бэйэтин суолтатын сүтэрбэт, төттөрүтүн, иккис тыынын ылан иһэр курдук. Стилизованнай таҥас буолан ыһыахха даҕаны, көннөрү күҥҥэ да барсар.

 

Макраме киэргэл

Этно истиили тутуһан ханнык баҕарар былаачыйа үрдүнэн макраме киэргэли кэттэххэ, саха таҥаһыттан туох да уратыта суох буолар. 

 

Субуллар суһуох

Олоҥхоҕо кыыс аймах суһуоҕар киэргэллээх буолар. Онон суһуохха, уопсайынан, баттахха сахалыы истииллээх киэргэли иилинии – бу эмиэ ыһыах тыынын үөскэтиэ, сүргэни көтөҕүө.

Сахалыы ойуулаах ханнык баҕарар таҥас

Хайаан даҕаны халадаай наада диэн буолбатах. Сахалыы ойуулаах, суруктаах таҥастар ыччат ортотугар киэн сэҥээриини ылаллар. Билигин маннык  ойууну түһэрэн биэрэр тэрилтэ элбэх.

Хаартыскалары интэриниэт аһаҕас ситимнэриттэн ыллыбыт

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дьиэҕин куортамныыгын дуо?
Сонуннар | 10.05.2024 | 14:00
Дьиэҕин куортамныыгын дуо?
Дьиэни-уоту бас билээччилэр кыбартыыраларын куортамҥа биэрэн дохуот ылаллар, оттон нолуогу төлүөхтэрин баҕарбаттар. Нолуок уорганнара кыбартыыраны сокуону кэһэн туран куортамҥа туттарбыттарын туһунан хайдах билиэхтэрин уонна 2024 сылга ыстараап ылбат туһугар туох дьаһаллары ылыахтарын сөбүн  туһунан Mail.ru “Советник- центр” МК адвоката Александр Шиманскай кэпсээтэ. “Нолуок кодексатын быһыытынан, дьиэни-уоту куортамҥа туттарартан киирэр дохуоттан...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...