XII-с «МЭР-2024» кыайыылаахтара ааттаннылар

МЭР – «Ыччат – Дьокуускай куораты сайыннарар күүс» – үгэс буолбут дьыалабыай оонньуу быйыл киин куоракка «Арассыыйа – мин историям» историческай пааркаҕа сэтинньи 29-30 күннэригэр буолан ааста.
Быйылгы Оонньуу тиэмэтэ патриотическай иитии буолбутун быһыытынан, кыттааччылар Дьокуускай куоракка патриотическай иитии көдьүүһүн үрдэтиигэ аналлаах инновационнай бырайыактары көрдөрдүлэр. 
Кыайыылаахтарынан ааттаннылар:
I миэстэ – 17 №-дээх хамаанда, «Синергия Якутии» бырайыага, сыала: 2027 сылга диэри олохтоох норуоттар историяларын уонна култуураларын нөҥүө патриотическай култуура уонна үөрэх таһымын үрдэтии;
II миэстэ – 15 №-дээх хамаанда, «Ремонт с сердцем» бырайыак чэрчитинэн 18-35 чаастаах ыччаты муниципальнай оҕо сайыҥҥы лааҕырдарын өрөмүөпүгэр көҕүлээн, төрөөбүт дойдуга, куоракка тапталы, харыстабыллаах сыһыаны иитии, дьиэ кэргэн сыаннастарын бөҕөргөтүү;
III миэстэ – 5 №-дээх «Отличники» хамаанда «БИЛ.ИИ» бырайыага, сыала: куорат оптуобустарыгар историческай аудиоматырыйааллары туһаныы.
Маны сэргэ анал наҕараадалар туттарылыннылар:
Бастыҥ оонньооччу – Айталина Татаринова;
Бастыҥ хамаанда – 7 №-дээх «Космополитики» хамаанда.
Санатар буоллахха, быйылгы Оонньуу кыттыылаахтарыгар баһылык Евгений Григорьев Дьокуускай куорат Олохтоох дьаһалтата, «МЭР» дьыалабыай оонньууну көҕүлээччи уонна тэрийээччи буоларын быһыытынан, күрэхтэһии хаамыытын кэтээн көрөрүн таһынан, хамаандаларга бары өттүнэн өйөбүлү оҥорорун этэн турар. Маны сэргэ Куорат баһылыгын солбуйааччы – Олохтоох дьаһалта аппараатын салайааччыта Руслан Тимофеев Оонньуу кэмигэр киирбит бастыҥ, интэриэһинэй этиилэр Олохтоох дьаһалта патриотическай иитиигэ былааныгар киирэн, куорат бүддьүөтүттэн үбүлэниэхтэрэ.
Оонньуу түмүктэрин Олохтоох дьаһалта уопсастыбаннай сибээскэ уонна ыччат политикатыгар управлениета иһитиннэрдэ.